Nakkutilliisut siuttuusut — Napasuliaq Alapernaarsuiffik-mik atuaqqissaaqatigiinnermi aqutsisoq
1 Napasuliaq Alapernaarsuiffik — Jehovap Naalagaaffianik tusarliisoq sakkuuvoq ’inussiap aalajaallunilu silatuup’ anersaakkut nerisassatsinnik ’piffissaq eqqorlugu’ tunisisarnermini atortagaa. (Mat. 24:45, NV) Taamaattumik qatanngut angut utoqqaanertaq atuaqqissaaqatigiinnermi aqutsisartoq tassaasariaqarpoq ilinniartitsillaqqissoq kristumiutut inooriaatsimigut maligassaalluartoq. — Rûm. 12:7; Jâk. 3:1.
2 Ilinniartitsilluarniarluni sapaatit-akunneri tamaasa piareersarluartariaqarpoq. Peqqissaarluni qinunikkullu taamaaliortarpoq. Atuaqqissaaqatigiissutigisap imaanik tusarnaartut uummataannik ilumoorluni anguniaanera ilagiinnut soqutiginninneranut ersiutaavoq. Allaaserisami pingaarnerit samminerussavai allaaserisallu qulequtaanut qanoq atassuteqarnersut paasinissaannut ikiorluta.
3 Aqutsisoq piareersarluassaguni allassimafiit tamaasa quppertartariaqarpai allaaserisami pineqartunut tunngavilersuutai nalunnginniassagamigit. Guutip oqaasiata pingaaruteqarnera erseqqissartarpaa atuaqqissaarnermi Biibilip atorluartarnissaanut tusarnaartut kajumissaarneratigut. Pingaaruteqartoq akissutigineqartunit erseqqisarneqanngippat, imaluunniit allassimaffiup pingaarnerusup atorneqarnissaa tikkuarneqanngippat, saniatigut immikkut ittumik apeqquteqassaaq eqqarsaat pineqartoq saqqummersinniarlugu. Taamaalilluni eqqortumik paasitissavaatigut paasisimasavullu ulluinnarni qanoq atorsinnaanerivut ikiorluta.
4 Napasuliaq Alapernaarsuiffik-mik atuaqqissaaqatigiinnermi aqutsisoq ilinniartitsinermini pikkorissartuartarpoq. Nammineq oqaaseqarpallaarneq ajorpoq, kisianni akisarnissatsinnut kajumissaarisarluni — nammineq oqaatsivut atorlugit, naatsumik eqqorluartumillu. Immaqa ilaannikkooriarluni eqqaasittarpaatigut siulliulluni akissuteqartup apeqqut allaaserisami allassimasoq naatsumik akisariaqarpaa. Tulliullutik akissuteqartut immaqa allassimafiit qanoq atorneqarnissaat, tunngavilersuutit amerlanerusut imaluunniit sammineqartup atoriaannaanera erseqqissartarpaat. Napasuliaq Alapernaarsuiffik-mik atuaqqissaaqatigiinnermi aqutsisup tusarnaartut peqataarusutsinniartarpai nammineerluni imaluunniit ilaqutariittut piareersartarnerup pingaartinneratigut.
5 ’[Jehovamit] ajoqersorneqarsimasutut’ ’inuit tunissutit’, Napasuliaq Alapernaarsuiffik-mik atuaqqissaaqatigiinnermi aqutsisoq ’ilungersuussilluni . . . ajoqersuummik suliaqartoq’ ilanngullugu, pingaartippavut. — Jes. 54:13; Evf. 4:8, 11; 1 Tim. 5:17.