Atuakkat pisoqaanerusut atorluartigik
1 Nunarsuarmi tamarmi atuakkat pisoqqat millionilikkuutaat atuagaateqarfinni toqqortarineqarput. Atuakkalli tamakkua inuiannut ataavartumik iluaqutaasimappat? (Nal. oq. 12:12) Naqitikkat Guutip naalagaaffianut tamatumalu inuiaat pillugu qanoq iliuuseqarnissaanut tunngasut naleqarnerujussuupput. Atuakkanik 1985 sioqqullugu naqiterneqarsimasunik taama ittunik ilagiit amerlanersaat toqqortaqarput. Atuakkat tamakku januaarimi inunnut neqeroorutigissavavut.
2 Piviusumik naleqarput: Immaqa ilaat isumaqarput atuakkat tamakku naqitigaatitsinnut nutaanerusunut naleqqiullugit pisoqaavallaalersimasut, eqqaamasariaqarparpulli sallusuissummik Biibilimeersumik imaqarmata. Guutip naalagaaffia oqaluttuaraat, tusarliussamullu ajunngitsumik qisuariartunut inuunermik kinguneqartitsisinnaapput. (Juá. 17:3) Taamaattumik atorniarlugit immikkut ittumik suliniuteqartariaqarpugut.
3 Naleqassusiat misigisamit matumannga takuneqarsinnaavoq: Arnap Napasuliaq Alapernaarsuiffiup Peqatigiiffiata naqitigaatai pisoqaanerusut aanaminit kingornussimavai. Nalunaajaasup arnaq aperisimavaa naqitikkat tamakkua qanoq naleqartiginersut nalunnginneraa. Arnaq akisimavoq: „Naamik, qanoq naleqartiginersut ilisimaqqissaanngilara, qanorli ilillunga tamanna paasiniarsinnaavara?“ Biibilimik atuaqqissaaqatiserineqarnerminut akuersivoq, sallusuissut paasillugu aanamilu atuagaatai pingaartilluinnalerlugit. Paasivaa nalilerujussuarnik kingornussaqarsimalluni.
4 Inunnut pajugutigisigik: Atuakkat pisoqaanerusut illumiit illumut neqeroorutigisarnerata saniatigut pulaaqqittakkatsinnut naqitigaatitsinnik atuarnissaminnik nuannarisaqartunut kiisalu atuagassianik pajuttakkatsinnut neqeroorutiginissaat isumagisariaqarparput. Immaqa aamma Biibilimik atuaqqissaaqatigisartakkavut atuakkanik pisoqaanerusunik aalajangersimasunik tunisinnaavavut tunuliaqutaasunik paasisaqarneroqqullugit taamaalillutillu sallusuissummik paasinninneruleqqullugit. Kiisalu illit nammineq atuagaatinni amigaatigisatit pissarsiarisinnaavatit. Taamaalillutit atuagaatitit teokratiimut tunngasut naleqaqisut nammineq atuaqqissaarninni atorsinnaasatit ilassavatit.
5 Atuagaativut pisoqaanerusut toqqortariinnarnagit inuit ’Guutimik mianerinninnissaannik taassumalu inatsisaanik maleruaanissaannik’ kajumissaarniarneranni atorluarniartariaqarpavut. — Nal. oq. 12:13.