Qaaqqusigik
1 Ukiut hundredelippassuit matuma siorna qaaqqussut maannakkut nunani 233-ni nanginneqartoq ima nipeqarpoq: „Qaa, majuarta [Jehovap] qaqqaanut, . . . aqqutigeqqusaminik ajoqersussavaatigut ingerlavigeqqusamigut ingerlasinnaaleqqulluta.“ (Jes. 2:3) Inuit inuunermik naassaanngitsumik aqqutissiuisumik anersaakkut siumukarnissaannut ikiorniarutsigik, periaaseq pitsaanerpaaq tassaavoq Jehovap peqatigiissortaanut aqqutissiuullugit.
2 Oqaluussisartut ilaasa inuit naalagaaffilersaarfimmut qaaqqunissaannut tunuarsimaartarput, aatsaat atuaqqissaaqatigiinnerat sivitsulaaraangat, siumukaleraangatalu qaaqqusarpaat. Ilaali suli atuaqqissaalernatilluunniit naalagaaffilersaarfimmukartarput. Nangaanngiivilluta inuit ataatsimiinnernut qaaqqusarsinnaavavut.
3 Qanoq iliortoqarsinnaasoq: Qaaqqusissutit naqitikkat atorluartakkit inuit ataatsimiinnerit pillugit paasitissallugit. Eqqaajuk najuukkaanni akeqanngitsoq katersuiniartitsisoqarnerlu ajortoq. Nassuiaruk ataatsimiinnerit qanoq ingerlasartut. Eqqaajuk Biibilimik ilinniarnerusut, kikkullu tamarmik atuagassiat atorlugit malinnaasinnaasut. Najuuttut atugarisimasaasa qanoq assigiinngitsiginersut eqqaajuk. Oqaluttuariuk inuit tamaanimiuusut, aamma meeqqat assigiinngitsunik ukiullit, tamarmik tikilluaqqusaasut. Atuaqqissaaqativut qaaqqusariaqarpavut, ataatsimiigiarnerannullu ikiuukkusulluta neqeroorfigalugit.
4 Biibilimi atuarsinnaasatta kingulliit ilagaat Jehovap inuunermik tunniusiumanerminik aaqqissuussaasa peqataaffigineqarnissaanut qaaqqussut kajungernartoq: ’Anersaarlu nuliassarlu oqarput: „Aggerna; . . . imerusuttorlu aggerli; piumasullu imeq inuunartoq akeqanngitsumik piliuk.“ (sar. 22:17) Allat ataatsimiinnernut najuunnissaanut qaaqqussallugit pingaaruteqarluinnarpoq.
5 Jesaja 60:8-mi unnersiutiginnittut nutaat hundredetuusintilikkuutat Guutip innuttaasa ilagiissaannut aggiasut assersuutitigut tuisut „nuissatut ingerlaartutut tuitut timmillutik iniminnut iseriartortutut“, allaatigineqarput. Tamatta nutaat ataatsimiinnernut qaaqqusarsinnaavavut tikilluaqqusaasutullu misigitissinnaallugit. Taamaalilluta Jehova suleqatigisinnaavarput taassuma katersuineq pilertortumik ingerlatimmagu. — Jes. 60:22.