Allat iluaqutaasunik ilinniartikkit
1 Jehovap kissaatigaa kikkut tamarmik iluaqutaasumik ilinniassasut. (Jes. 48:17) Nalunngilaa qanoq ililluta pilluarneq piviusoq angusinnaagipput. Kisaatigisaraa inuit peqqussutai eqqumaffigalugit ajutoornissaq pinngitsuussagaat inuunertillu nuannaarutigalugu. Uagutsinnut iluaqutaavoq Guutip peqqusaa naapertorlugu inuugutta. (Tus. 34:9) Qanoq ililluta allat aamma taamaaliornissaannik ilinniartissinnaavavut?
2 Inuinuku suna kissaatigigaat? Illit najukkanni inuit suna eqqarsaatigineruaat? Angerlarsimaffimmik tillinniarfigineqanissamut isumannanngitsuunerat, aappariinnermik iluamik ingerlanera, meeqqamik siunissaat toqqissisimanartuunissaat, aammalu tamatumunnga assingusut? Ajornartorsiulerunik siunnersorneqarumallutik kimmut saaffiginnissappat? Immaqa namminneq siunneqassusertik tatigissavaat, imaluunniit imminut ikiornissamut suleqatigiit allat unnersuussinerat. Amerlanertigut siunnersuutit assigiinngitsut imaluunniit ilitsersuutit misilinneqaraluarlutik iluaqutaaneq ajortut pillugit paatsiveeruttarput. Qularunnaarsittariaqarpavut Guutip oqaasiata tunniussinnaasai, ilitsersuutit pitsaanersarigaat. (Tus. 119:98) Taamaaliorsinnaavugut takutillugu Biibili misissorneratigut ilitsersuutigineqartut tassaniittut maannakkut malinneratigut inuunerat pitsaanerulersinnaasoq. — 2 Tim. 3:16, 17.
3 Ilaqutariittut inuuneq pitsaanerusoq: Ikittuinnaat isumassarsisitaanikkut Evfisumiut 5:22-6:4-mut allanneqarsimasut paasilluarsimavaat ilumut malikkaanni ilaqutariit iluanni ajornartorsiutit aaqqinneqarsinnaasut. Taama pisimavoq aappariinnut ukiut qulit katissimareerlutik averuserniarlutik aalajangersimasunut. Kisianni nuliaasoq Biibilimik atuaqqissaaqatigineqartalerpoq, Biibilimilu aappariinneq pillugu ilitsersuutit ilinniarlugit. Uiusip erniinnaq malugaa nuliami atuaqqisaarnermini Biibilimit ilinniakkani malileramigit allannguisoq, atuaqqisaaqatigiinnermullu peqataasalerpoq. Kingornatigut oqarsimavoq: „Maannakkut ilaqutariit pitsaalluartumik inuuneqarsinnaanerannut tunngaviusoq nassarisimavarput.“
4 Inuuneq siunertalik: Inuusuttoq ikiaroornartunik atornerluisoq Jehovap Nalunaajaasuinut ikiortissarsiorami, ilinniarsimavaa Jehovap inuttut isumagiuartaraani. Oqarpoq: ’Ilinniarpara Pinngortitsisup inuit siunertaqarfigigai aammalu inuunermik naassaanngitsumik akuerisaminut neqerooruteqartoq. Tamanna tusaqqaarakku pillualersimanera takorloorsinnaanngilarsi. Maannakkut peqqippunga, isumakkut eqqissisimallunga aammalu Guutimut qanimut attaveqalersimallunga.’
5 Kikkut tamarmik Guutip oqaasiani atoriaannaasunik ikiuutaasinnaasunik iluaqutiginnissinnaapput. Siunnersuisutut atorlugu paasissavarput Jehovap aqqutigeqqusai silarsuup neqeroorutigisinnaasaanit pitsaanerungaartut. (Tus 116:12) Piginnaatitaaffigaarput oqariartuut tamanna inunnut allanut ingerlateqqissallugu suut iluaqutaasut ilikkarsinnaaqqullugit. Suliaq tamanna amerlasuunik ajunngitsunik kinguneqartarpoq.