Apeqquteqartarfik

◼ Naalagaaffilersaarfiup eqqiarneqarnissaanut kina akisussaava?

Naalagaaffilersaarfik eqqiluitsoq takutissallugu ajukkunnanngitsoq naleqqulluartumik oqaluussissutigisatsinnik eqqaasitsivoq. (Naleqqiuguk 1 Pîtruse 2:12.) Naalagaaffilersaarfiup kusanartuunissaa torersuunissaalu pisariaqarpoq, aserfallatsaalineqarnissaanilu tamarmik ikiuisinnaapput. Ilimagisariaqanngilarput ikittuinnaat tamatuminnga nammakkerneqarnissaat.Nalinginnaasumik eqqiaaneq ilagiinni atuaqqissaaqatigiikkuutaartunut agguaanneqartarpoq, atuaqqissaaqatigiinnilu aqutsisut ikiortaallu maligassiusuusariaqarput. Ilagiit arlallit naalagaaffilersaarfik nikittaallutik atortarpassuk utoqqaanertat aaqqissutissavaat ilagiit tamarmik aserfallatsaaliuinissamut peqataatinnissaat.

Akisussaaffik tamanna qanoq pitsaanerusumik isumagisinnaavarput? Naalagaaffilersaarfiup eqqiarneqartarnera pilersaarut aalajangersoq malillugu ingerlanneqartariaqarpoq. Eqqiaanermut atugassat atortullu allat isumagineqareertariaqarput. Eqqiaanermi suut suliarineqartassanersut malitassanik allattorlugit nivinngaasoqartariaqarpoq. Malitassat assigiinngitsut marluk aaqqissorneqarsinnaapput, ataaseq ataatsimeereernerup kingorna nalinginnaasumik eqqiaanermut aappaalu sapaatip-akunneranut tamakkiisumik eqqiaanermut malitassaq. Atuaqqissaaqatigiit aqutsisuat tamakkiissumik eqqiaanermut pilersaarusiussaaq atuaqqissaaqatigiit periarfissaqarfiginerusaat naapertorlugu

. Aammattaq illup silataa kussinerillu akuttoqatigiimmik salinneqartariaqarput. Taamatuttaaq aqqusineq biilillu unittarfiat salinneqartariaqarput. Upernaat tamaasa tamakkiisumik saliineqartariaqarpoq immaqa ullup eqqaaniaaffiup nalliutinnginnerani. Eqqiaanermut ilaasinnaavoq natersuit saagullu simerneriarnerat errortillugilluunniit.

Soorunalimi sulinerput oqinnerussaaq naalagaaffilersaarfiup iluani silataaniluunniit tyggegumminik igitsisanngikkutta. Anartarfik atorneqareeraangat atuisussamut tulliuttumut ipiitsumik kusanartumillu qimannissaa isumagineqartariaqarpoq. Atortut pisattalluunniit aserortuunnginnissaat mianersuussiuk. Natersuit simerneqarnersut, issiaviit ajoquteqarnersut, anartarfiit ajornersut, qulliit pæriiarsimanersut ilaalu ilanngullugit maluginiakkit, arlaannik aaqqitassaqarpat naalagaaffilersaarfillup aserfallatsaalineqarnissaanut isumaginnittoq saaffigipallanneqassaaq.

Tamatta kajumilluta iliuuseqarniarta. Taava pallorfiginnittarfipput najoruminartuussaaq, uagullu Jehova Guutimut innuttaassaagut minguitsut ataqqinnillutik sassartut. — 1 Pît. 1:16.