Jehova mianeriuaruk
1 „[Jehovamik] mianerinninneq tassa siuneqarnermut aallarniutaasoq“ (Tus. 111:10) Ajunngitsuliornissatsinnut aqqutissiuivoq ajortunullu ingalassimatilluta. (Uss. 16:6) Mianerinninneq pineqartoq tassaanngilaq mianerinninneq peqqinnanngitsoq. Mianerinninneruvorli peqqinnartoq Pinngortitsisumut asanninnermik, ataqqinningaarnermillu tunngaveqartoq. Mianerinninneruvoq ineriartortinneqartariaqartoq ullullu tamaasa eqqumaffigalugu. — Uss. 8:13.
2 Ullut tamaasa silarsuup anersaavanit tatineqangaartarpugut Satanip aqqutaatigut ajortukkut ingerlalersoorsitsisinnaasumik. (Evf. 6:11, 12) Uinipput naammalluinnanngitsoq ajortiliuvoq ajortulioqqajaasarlunilu. (Gal. 5:17) Jehovap inatsisaanut naalassinnaassagutta nuannaarlutalu annakkumagutta Jehovamut mianerinnittuartariaqarpugut. — 5 Mos. 10:12, 13.
3 Eprîarinut agdlagkat 10:24, 25-mi inanneqarpugut katisimaqatigiittarnissatsinnut immitsinnullu kajumissaaqatigiittarnissatsinnut ’annerusumillu taamaassasugut’ ulluni makkunani inuuffigisatsinni. Ullut kingulliit anigussagutsigik aalajangersimasumik ataatsimiigiartarnissarput pingaaruteqarpoq. Guutimut iluarinngisaanik iliornissamut mianerinninnitta ataatsimiigiarnissatsinnut kajumissaarpaatigut ataatsimiinnerillu siunertaannik pingaartitsinissatsinnut ilinniartilluta. Guutimik mianerinnittut kristumiut ataatsimiittarneri najuuffiginissaat nuannersutut pisinnaatitaaffitullu illernartutut isigaat.
4 Guutimik mianerinninnerput allatuttaaq takutissinnaavarput Naalagaaffik pillugu nutaarsiassamik nuannersumik oqaluussissutiginneqqussutip naalanneratigut. (Mat. 28:19, 20; ap. sul. 10:42) Oqaluussinitsinni anguniakkatta pingaarnersaraat allat Jehovamik mianerinnilernissaannut piumasaanillu naalannissaannut ikiorlugit. Tamanna anguneqarsinnaavoq pulaaqqiisarnerisigut, Biibilimik atuaqqissaaqatigisarnerisigut, taamatut Guutip peqqusaanik tamanik ilinniartillugit. Taamaaliorutta takutissarvarput Jehova mianeralugulu tullerput asagipput. — Mat. 22:37-39.
5 Guutimik mianerinninngikkaanni anersaakkut ittunik qujamasunnissaraluaq ineriartortinneqassanngilaq, silarsuulli anersaava imaluunniit pissuserisaa toqunartoq saqeqatigiinnassallugu. (Evf. 2:2) Anguniagarisariaqarpavut ’Guuti iluarisaanik kiffartorfigalugu ittoorluta mianersorlutalu’. (Epr. 12:28) Jehova mianeriuaannarutsigu pilluaqquneqangaassaagut.