Ataatsimeersuaararnissamut saqqummiussassat nutaat
„Mianerinninneq“ isumasiorlugu ima nassuiarneqarsinnaavoq „Guutimut ataqqinningaarneq.“ Mianerinninneq peqqinnartoq taamaattoq Biibilimi oqaatigineqarpoq „ilisimassuseqarnermut aallarniutaasoq.“ (Tus. 111:10) Satanip silarsuaani siooraneq allaanerusoq nuimaneruvoq. mianerinninneq peqqinnanngitsoq taamaattoq qanoq ingalassimasinnaavarput Jehovamullu mianerinninneq ineriartortillugu? Tamanna kiffartorfimmi ukioq 2002-mi ataatsimeersuaararnermi saqqummiussassani nutaani akineqassaaq. Ataatsimeersuaararnerup qulequtarissavaa „Guuti mianerisiuk naalannartillugulu“. (Saq. 14:7) Paasisaqarfigissavarput qanoq inuttut ataasiakkaatut peqatigiiffittullu assigiinngitsutigut Jehova mianerinninnermik takutitsivigisinnaaneripput
Naak mianerinninneq nalinginnaasumik ernumanermik pissutsiniluunniit erloqinartuni annilaanganertut ersertaraluartoq, Biibilimi allassimavoq: „Pilluarpoq [Jehovamik] mianerinnittoq.“ (Tus. 128:1) Ataatsimeersuaararnermi sammisassat paasitissavaatigut qanoq Guutimut ilumoortumik pallorfiginninnitsinni unamminiarnartut qaangersinnaagivut. Guutimut peqqinnartumik mianerinninnermik ineriartortitsinissamik, uummatikkut, tarnikkut, isumakkut nukitillu tamakkerlugit kiffartulersitsisinnaasumik, nutaat qanoq ikiorsinnaanerivut takutinneqassaaq. (Mark. 12:30) Ulloq siulleq nakkutilliisumit angalasartumit oqalugiaammik qulequtalimmik „Asasitit qanillattukkit“-mik naggaserneqassaaq. Diaavulup Jehovamit, ilaquttatsinnit kristumioqatitsinnillu tunusitsitsiniaanera qanoq iluatsinngitsoortissinnaaneripput assortorsinnaanerippullu iserfigissavaa.
Ullup aappassaani, oqalugiaammi ataqatigiinni sisamanik immikkoortulimmi „Jehova mianeriuk inuit pinnagit“ qulequtaavoq. Mianerinninneq kiffartornitsinnut, assuarnaatsuujuarnissatsinnut, atuarfimmi suliffitsinnilu nalunngeqatiginnissutsitta minguitsuujuarnissaanut ajoqutaasinnaasoq qanoq ililluni qaangerneqarsinnaanera oqalugiaammi pineqassaaq. Tamanut ammasumik oqalugiaammi, „Guuti mianeriuk inassutaalu maleruarlugit“-mi Saqqummersitat kapitali 14-mi pisut sammineqassapput. Ataatsimeersuaararneq kajumissaarummik „Jehova mianeralugu saqiuaritsi“- mik naggaserneqassaaq.
Ataatsimeersuaararnermilu sammisassat ilaagissavaat Teokratiimik Ilinniarfik, oqaluussinermut tunngasumik ataatsimiinneq pitsaalluinnartoq, oqalugiaat kuisinnermut tunngasoq aammalu Napasuliaq Alapernaarsuiffik-mik eqikkaaneq. Najuuffiginngitsooqinagit! Ataatsimeersuaararnermut atuaqatigisartakkapit qaaqqunissaat isumagiuk. Kuisikkumasut nakkutilliisumut siulittaasumut sapinngisamik piaartumik nalunaassapput. Ataatsimeersuaararneq tamaat najuuffigineratigut, tamatta Jehovamut takutissavarput peqqinnartumik siooralluta, ataqqiumallutigulu.