Toqqoruk

Derivatit aammeersut inuullu nammineq aava atorlugu nakorsaariaatsit qanoq isumaqarfigaakka?

Kristumiut Biibilimi inan­neqar­put „aam­mik nerisaq­qunagit“. (ApS 15:20) Taman­na pis­sutigalugu Jehovap Nalunaajaasui aam­mik aal­lu akuinik pingaar­ner­nik sisamaasunik — aap aap­palut­tor­taanik, qaqor­tor­taanik, saalimasor­taanik aam­malu aap imer­palasor­taanik plasmamik — aalersor­tik­kuman­ngil­lat. Aam­ma aalersuutis­samik aaversin­neq ajor­put, taamatul­lu nam­min­neq aam­min­nik kingor­na aalersuutigis­samaak­kamik toq­qorsisoqar­nis­saa akueriuman­ngilaat. — 3 Mos. 17:13, 14; ApS 15:28, 29.

Derivatit aammeersut suuppat, aamma sooq tamakkua nakorsaatitut atorneqarnerat kristumiup isummerfigisariaqarpaa?

Derivatit aam­mit pisut tas­saap­put aap akui periaaseq fraktioneringimik taaneqar­tar­toq atorlugu im­mik­koor­titat. Soorlu aap akuisa pingaar­nerit sisamaasut ilaat plasma ima katitigaavoq: 91 procentit mis­saat imeq; 7 procentit mis­saat proteinit soorlu albuminit, globulinit aam­ma fibrinogenit; 1,5 procentit mis­saat stof­fit al­lat soorlu inuus­sutis­sat, hormonit, silaan­naat as­sigiin­ngitsut, vitaminit, igitas­sat aam­ma elektrolytit. Proteininil­lu im­mik­koor­tin­neqar­tar­put derivatit aam­mit pisut soorlu albuminit, globulinit aam­ma fibrinogenit.

Aam­mik „nerin­ngin­nis­samik“ inas­sut aam­ma derivatinut aam­mit pisunut tun­ngava? Taman­na naluar­put. Biibilimi erseq­qis­sumik al­las­simasoqan­ngilaq taman­na pil­lugu ilitsersuutaasumik.a Derivatit aam­mit pisut ilar­pas­sui naluneqan­ngitsutut aak nakorsaatis­satut tun­niun­neqarsimasoq atorlugu suliaap­put. Kristumiup nam­mineq nalun­ngeqatigin­nis­sutsi tun­ngavigalugu aalajangis­savaa ator­tus­siat taamaat­tut atorlugit nakorsar­neqar­nis­si akueris­sanerlugu itigar­tis­sanerluguluun­niit.

Derivatit aam­meersut atorlugit nakorsar­neqarsin­naaneq aalajangiif­figiniaraan­ni uku isumaliutigineqarsin­naap­put: Nalun­ngin­ner­para derivatit aam­meersut atorlugit nakorsar­neqar­nis­sara tamatigut itigar­tit­tar­niaruk­ku aam­ma nakorsaatit ilaasa virusinut nap­paatinul­lu akiuus­sutaasin­naasut imaluun­niit aanaar­nermik unitsitsiniarluni aam­mik is­sorasuar­tisi-sin­naasut ator­nis­saat ilan­ngul­lugu itigar­tit­tas­sal­lugu? Nakorsaq suliarin­nit­tus­saq nas­suiaas­sin­naaner­para sooq derivatit aam­meeersut aalajangersimasut ator­neqar­nis­saat itigar­tik­kiga akuerigigaluun­niit?

Sooq nakorsaariaatsit ilaat inuup nammineq aavanik atuiffiusut nammineq isummerfigisariaqarpat?

Naak kristumiut aam­min­nik tun­nius­sisan­ngik­kaluar­tut imaluun­niit nam­min­neq aam­mik kingor­na aalersuutigineqar­nis­saa eq­qarsaatigalugu toq­qor­neqar­nis­saa akuerin­ngik­kaluaraat taamaat­toq nakorsaariaatsit misis­sueriaatsil­lu ilaat nap­parsimasup nam­mineq aavanik atuif­fiusut Biibilimi najoq­qutas­sianut erseq­qis­sumik naaper­tuutin­ngitsutut oqaatigineqarsin­naan­ngil­lat. Taamaat­tumik katsorsaariaatsit as­sigiin­ngitsut inuup nam­mineq aavanik atuif­fiusut nam­mineq nalun­ngeqatigin­nis­suseq naaper­torlugu akuerineqarsin­naap­put itigar­tin­neqarsin­naal­lutil­luun­niit.

Taamaat­tunik aalajangigas­saqaleraan­ni mak­ku isumaliutigineqarsin­naap­put: Aaga timiga avaq­qul­lugu ingerlaar­tin­neqar­pat, aal­lu kaaviiaar­nera al­laat unitsin­neqaral­larluni, taava ilerasun­nanga isumaqas­saner­punga aak taan­na suli timima ilagigaa taamaat­tumil­lu ’nunamut kuineqar­tariaqarani’? (5 Mos. 12:23, 24) Nalun­ngeqatigin­nis­sutsik­kut Biibili tun­ngavigalugu ilin­niar­tin­neqarsimasuk­kut eq­qis­siun­naarutigis­saner­para nakorsamit misis­sor­neqar­nin­ni suliaritin­nin­niluun­niit aam­ma ilaa maqin­neqar­pat, suliarineqarluni taavalu timin­nut uter­tin­neqarluni? Nalun­ngin­ner­para nakorsaariaatsit uanga nam­mineq aan­nik atuif­fiusut tamatigut itigar­tin­niaruk­kit aam­ma soorlu dialyse (tar­tuusaliaq atorlugu aam­mik akuluiaaneq) aam­malu maskiinamik uum­mataasaliamik puaasaliamil­lu atuinis­saq ilan­ngul­lugit itigar­tis­sagak­kit? Qinunik­kut apeq­qutit taak­ku isumaliutigereer­pak­ka?b

Nammineq aalajangigassakka

Skemani marluusuni qup­per­ner­ni tul­ler­niit­tuni paasis­sutis­sat isumaliutigik­kit. Skema najoqqutassaq 1-imi eq­qar­tor­neqar­put derivatit aam­mit im­mik­koor­tin­neqar­tar­tut ilaat taak­kualu nap­parsimasunik katsorsaanermi qanoq nalingin­naasumik ator­neqar­tar­nerat. Derivatit taak­ku atorlugit nakorsar­neqar­nis­sat akueriumanerlugu itigar­tis­sanerluguluun­niit nalunaaqutseruk. Skema najoqqutassaq 2-mi taaneqar­put nap­parsimasup nam­mineq aavanik atueriaatsit nalingin­naasut. Nakorsaariaatsit taak­ku akueris­sanerlugit itigar­tis­sanerlugil­luun­niit taajuk. Skemat najoq­qutas­sat al­lagar­taan­ngil­lat inatsisitigut atorsin­naasut, taak­kunanili akis­sutitit iluaqutaasin­naap­put im­mersugas­saq Nakorsartinneq pillugu siumoortumik peqqussut pisinnaatitsissullu ukiumoor­tumik im­mersor­nialeruk­ku.

Aalajanger­nitit il­lit nam­mineq nalun­ngeqatigin­nis­sutin­nik, imaan­ngitsoq al­lat qanoq isum­mer­nerinik, tun­ngaveqas­sap­put, kristumiul­lu al­lat nam­min­neq aalajanger­neri isor­nar­torsior­neqar­tariaqan­ngil­lat. Aalajangigas­sani taak­kunani „kialuun­niit nam­magas­sani nam­mineq nam­mas­savaa“, tas­sa nam­mineq akisus­saavoq. — Gal. 6:4,5.

[Quppernerup ataani ilanngussat]