Atuagassiaativut — inuppassuarnut atuarneqartussanngorlugit allataapput
1. Inussiap aalajaallunilu silatuup Paulusi qanoq ilaarpaa?
1 Soorlu Paulusip “kikkut tamaasa” anguniarlugit nutaarsiassaq nuannersoq tulluarsartaraa, taamatuttaaq inussiap aalajaallunilu silatuup inuppassuit assigiinngitsunik upperisallit tunuliaqutallillu anguniarlugit atuagassiaativut atortarpai. (1 Kor 9:22, 23) Vagttårnet Vågn op!-ilu atorluarumallugit eqqumaffigissavarput atuagassiat kikkunnut allataanersut.
2. Atuartartunut kikkunnut Vågn op! allataava?
2 Vågn op!: Atuagassiamik uuminnga atuartussat apustilip Paulusip oqaloqatigisaanut ‘athenimiunut’ assingusuussapput. (ApS 17:22) Angutit taakku kristumiussusermik tunuliaqutaqanngillat Allakkanillu Illernartunik paasisimasaqalaaginnarlutik. Taamatuttaaq Vågn op! inunnut Biibilimik immannguaannaq ilisimasaqartunut ilisimasaqanngivissunulluunniit allataavoq. Immaqa kristumiut ajoqersuutaannik ilisimasaqanngillat, immaqa upperisarsiornermik iluarisaqanngillat imaluunniit ilisimanngilaat Biibilimi ullutsinni atoriaannaasuusoq. Pingaarnerpaatut anguniarneqarpoq, Vågn op!-imik atuartartunut uppernarsassallugu ilumoortumik Guuteqartoq. Atuagassiap aamma siunertaraa atuartartut Biibilimik upperinninnerata ineriartortinnissaat, aamma upperisanit allanit Jehovap Nalunaajaasuisa allaassutaat paasitinniarlugu.
3. Vagttårnet-it kikkunnut allataappat?
3 Vagttårnet: Vagttårnet tamanit atuarneqarsinnaasoq Guutimik Allakkanillu Illernartunik ataqqinnittunut allataavoq. Biibilimik paasisimasaqalaartuupput ajoqersuutaali iluamik paasisimanagu. ‘Guutimik mianerinnittunut’ Paulusip eqqaasaanut assingupput. (ApS 13:14-16) Vagttårnet atuaqqissaarnermi atugassaq pingaarnerusumik Jehovap Nalunaajaasuinut allataavoq. Paulusip naatsorsuutigaa allakkaminik atuartartut allakkanik iIlernartunik ilisimasaqarlutillu sallusuissummik ilisimasaqarluartuusut. (1 Kor 1:1, 2) Taamatuttaaq atuaqqissaarnermi atugassaq ataatsimiinnernut najuuttartunut Nalunaajaasut oqariartaasiinik paasisimasalinnut allataapput. Napasuliaq Alapernaasuiffik atuaqqissaarnermi atugassanik atuagassanillu tamanik atuarneqarsinnaasunik imaqarpoq.
4. Sooq atuagassiat imai immikkut tamaasa ilisimalluartariaqarpavut?
4 Nalinginnaasumik atuagassiat marluutillugit tunniuttaraluarivut aappaannaa saqqummiuttarparput. Taamaattumik atuagassiat imai immikkut tamaasa ilisimalluarnissaat anguniagariuk. Taamaalioruit naapitavit soqutigisaa saqqummiutissallugu ajornannginnerutissavat.