Saqqummiinermut siunnersuutit

Februaarimi arfininngornermi siullermi Biibilimik atuaqqissaaqateqarneq qanoq aallartinneqarsinnaasoq

“Inuit ilaat upperaat Biibili atuagaasoq siulittuutinik tutsuiginartunik imaqartoq. Allat isumaqarput siulittuutit erseqqinngitsut assigiinngitsorpassuatigut nassuiarneqarsinnaasut. Illit qanoq isumaqarpit?” Pulaagaq akili. Napasuliaq Alapernaarsuiffik 1. februaarimeersoq pulaakkamut tunniuguk quppernermilu 11-mi qulequtaaqqap ataaniittoq sammisiuk allassimaffillu minnerpaamik ataaseq atuarlugu. Atuagassiat neqeroorutigikkit apeqqutillu tulliuttup oqaloqatigiissutiginissaanut pulaaqqinnissannik isumaqatigiissuteqarfigiuk.

Napasuliaq Alapernaarsuiffik 1. Februaari

“Oqaluttuarisaanermi angutit arnallu tusaamasat ilinniarfigilluarsinnaavavut. Tamatumunnga isumaqataavit? [Pulaagaq akili]. Una versi angummut tusaamasaalluartumut tikkuussivoq, angummut Biibilimi kisiartaalluni ‘Guutip ikinngutaanik’ taaneqartumut. [Jaaku 2:23 atuaruk]. Atuagassiami uani nassuiarneqarpoq sooq Guutip ikinngutimisut isigigaa, aamma qanoq Aaperaap maligassiaa ilinniarfigisinnaaneripput sammineqarpoq.”

Vågn op! Februaari

“Ullumikkut inuppassuit internettikkut attaveqaqatigiissinnaanertik nuannaraat. Attaveqatigeeriaaseq taamaattoq navianaateqarsinnaava? [Akissutaa tusarnaaruk]. Isumannaannerusumik internettikkut attaveqaqatigiittarnissamut Biibilimi najoqqutassiaqarpoq. [Qupperneq 6-miit 9-mut qupperuk, apeqqutillu ilaat allassimaffillu tamatumunnga ilanngussaq sammikkit]. Internettikkut attaveqaqatigiinnermi navianaatit suunersut aamma navianaatit qanoq pinngitsoorsinnaaneritit atuagassiaq una iluaqutigalugu paasisinnaavatit.”