“Taamaaliortaritsi” — Eqqaaniaalluni nalliuttorsiorneq apriilip 5-ianni pissaaq
1. Sooq eqqaaniaalluni nalliuttorsiortarneq taama pingaaruteqartigaa?
1 “Taamaaliortaritsi uanga eqqaaniarlunga!” (Luk 22:19) Taamatut oqaaseqarluni Jiisusip ajoqersukkani peqquai toqunini nalliuttorsiutigisaqqullugu. Utertitsissutip naammassisai eqqarsaatigissagaanni, ulloq eqqaaniaalluni nalliuttorsiorfik kristumiunut pingaarnerpaavoq. Nalliuttorsiorneq apriilip 5-ianni pisussaq qanilliartortillugu, Jehovamut qujamasunnerput qanoq takutissinnaavarput? — Kol 3:15.
2. Eqqaaniaalluni nalliuttorsiornermik pingaartitsinerput atuaqqissaarnikkut eqqarsaatiginneqqissaarnikkullu qanoq ersersissinnaavarput?
2 Piareersarneq: Pingaartitatsinnut piareersartarpugut. Eqqaaniaalluni nalliuttorsiornissamut Jiisusip nunarsuarmi ullui kingulliit pillugit ilaqutariittut atuaqqissaarluta eqqarsaatiginneqqissaarlutalu piareersarsinnaavugut. (Ezra 7:10) Allassimaffiit ilaat qaammatisiutini aamma Ullut tamaasa Allakkat misissortakkit-ni taamatuttaaq Vagttårnet 1. februaari 2011-moortumi qupperneq 23, 24-milu allassimaffiit suli amerlanerusut, atuakkamilu Inuk inuit inuusimasut pingaarnerpaartaat-ni kapitalit tulluartut, atuarneqarsinnaapput.
3. Eqqaaniaalluni nalliuttorsiornermik pingaartitsinerput oqaluussinikkut qanoq takutissinnaavarput?
3 Oqaluussineq: Aamma oqaluussinerulernitsigut pingaartitsinerput takutissinnaavarput. (Luk 6:45) Arfininngornermi marsip 17-ianni eqqaaniaalluni nalliuttorsiornissamut qaaqqusissut silarsuaq tamakkerlugu agguaatilissavarput. Oqaluussinerunissat pilersaarsinnaaviuk, immaqa ikiorti pioneritut? Soormi unnummi ilaqutariittut anersaakkut ittunik sammisaqarfimmi tamanna eqqartorussiuk?
4. Eqqaaniaalluta nalliuttorsiortarnerput qanoq iluaqutigisimavarput?
4 Ukiut tamaasa eqqaaniaalluni nalliuttorsiornermi najuuttarnerput iluaqutigisimaqaarput! Jehovap ernituaminik utertitsissutissatut tuniserusunnera eqqarsaatigigaangatsigu Guutimut nuannarinninnerput asanninnerpullu allisarput. (Joh 3:16; 1 Joh 4:9, 10) Tamatuma pinngitsaalivaatigut imminut pilluta inuujunnaaqqulluta. (2 Kor 5:14, 15) Jehovamik unnersiutiginninnissatsinnik kajumissisinnerulersarpaatigut. (Tuss 102:20-22) Aap, apriilip 5-ianni eqqaaniaalluni nalliuttorsiornermi ‘Naalakkap toqua nalunaajaatigissallugu’ Jehovap kiffaasa qilanaareqaat. — 1 Kor 11:26.