Ilagiit Biibilimik atuaqqissaaqatigiinnerat iluaqutigiuk
1. Suna atuaqatigiissutigissavarput, qanorlu periarfissaqartissavaatigut?
1 Sapaatip akunnerani juunip 18-ianniit Ilagiit Biibilimik atuaqqissaaqatigiinneranni Napasuliaq Alapernaarsuiffik-mi allaaserisat atuaqatigiissutissat pereernikuusavut atuaqatigiissutigisalissavavut. Naak allaaserisat atuaqatigiissutissavut atuareernikuugaluarlutigit qularutigissanngilarput Ilagiit Biibilimik atuaqqissaaqatigiinneranni pingaarutilinnik sammisaqarnitsigut immitsinnut kajumissaaqatigiittarnissarput nuannaarutigissagipput. Oqaluussisartut, soqutiginnittut meeqqallu sapaatip akunneri tamaasa Guutip oqaasianik atuaqqissaaqatigiittarnissamut peqataasarnissaannik kajumissaarusuppavut. — 5 Mos 31:12, 13.
2. Napasuliaq Alapernaarsuiffik-mit atuaqatigiissutissanik Ilagiit Biibilimik atuaqqissaaqatigiinneq qanoq ingerlanneqartassava?
2 Pilersaarussiaq najoqqutassarlu. Sammisassavut Guutip Naalagaaffianut Kiffartorneq-mi takuneqarsinnaassapput. Atuaqatigiissutissat immikkoortunut marlunnut pingasunulluunniit agguataarneqassapput. Allaaserisat siunertaat atuagassiami qupperneq 2-mi allassimagaangat tamatigut atuarneqartassaaq. Aqutsisup atuaqatigiissutigisaq siulianut ataqatigiissinniarlugu atuaqatigiissutissap aappaata pingajuatalu sammineqalernerani naatsumik oqaaseqarfigisassavai. Atuaqatigiissutigisami allassimaffinnik atuagassanik innersuussuteqanngippat aqutsisup allassimaffiit pingaarnerit nammineq toqqartassavai najuuttunullu atuartittarlugit. Taamatuttaaq assilissat isummerfigitittassavai. Tamatigut ungalusami apeqqutit atorlugit uteqqiinermik naggasiisassaaq. Aqutsisup apeqqutit unnummi pisimasamut tulluartut toqqartassavai.
3, 4. a) Sooq aqutsisoq piareersarluarsimasariaqarpa? b) Qanoq Ilagiit Biibilimik atuaqqissaaqatigiinerat tamatta pissarsiffigilluarsinnaavarput?
3 Piareersaqqissaarneq. Allaaserisat agguataarneqarneri eqqarsaatigigalugit sammineqarnissaannut piffissaqarluassaaq. Aqutsisoq annerpaamik minutsi atorlugu aallarniuteqartassaaq. Saniatigut paasissutissanik allanik ujartuisannginnissaa oqaluppallaartannginnissaalu pingaaruteqarpoq allaaserisarlu kisiat sammillugu najuuttut akitittassavai. Allanik ilassutissaqarpat ulloriaasami, ungalusami assilissaniluunniit takuneqarsinnaassapput. Allaaserisami qulequtarineqartut allassimaffiillu taakkununnga tulluartut sammineqarnissaat ataatsimiinnermut siunertaavoq.
4 Piareersarluarsimaguit atuaqqissaaqatigiinneq pissarsiffigilluarnerussavat. Inuuninni kiffartorninnilu atorluarsinnaasatit eqqumaffigisakkit sammineqartunullu sapinngisamik peqataasarlutit. Allat, atuaqqissaaqatigisartakkatit oqaluussiffigisartakkannilu naapitakkatit, ataatsimiinnermut pingaarutilimmut tamatumunnga peqataasaqqullugit kajumissaakkit.