Unnukkut oqaluussinermut peqataasinnaavit?
1. Atuagaq naapertorlugu qaqugukkut apustili Paulusi illumiit illumut angalaarniartarpa?
1 Atuagaq Daily Life in Bible Times naapertorlugu apustili Paulusi “ualikkut sisamaniit unnussuarmut” illumiit illumut angalaarnerusarpoq. Ilumut Paulusi taamaaliortarsimanersoq ilisimanngilarput, ilisimavarpulli Paulusi ‘tamanik iliuuseqarusuttoq iivangkiiliu pillugu’. (1 Kor 9:19-23) Taamaattumik inuit amerlanerit angerlarsimatillugit illumiit illumut angalaarniartarsimanera ilimanarpoq.
2. Sooq unnukkut oqaluussisarneq pitsaasuua?
2 Sumiiffinni amerlasuuni sapaatip akunnerata ingerlanerani oqaluussisartut ullaap tungaani angalaartarput. Piffissarli tamanna suli ilissi angalaarfigisartakkassinni pitsaanerpaava? Pioneri angalaarfigisartakkani pillugu oqarpoq: “Ullukkut angerlarsimasoqarpiarneq ajorpoq. Amerlanerilli unnukkut angerlarsimasarput.” Unnukkut oqaluussinermi, pingaartumik angutit, nutaarsiassamik nuannersumik oqalussiffigissallugit periarfissaalluarnerussaaq. Pulaakkat eqqissisimanerusarput oqalukkusunnerusarlutillu. Tamanna tulluarneruppat unnukkut oqaluussinissamut katersuuttoqarnissaanik utoqqaanertat aaqqissuussissapput.
3. Unnukkut oqaluussiniartilluta suna eqqarsaatigilluartariaqarparput?
3 Eqqarsarluarit: Unnukkut oqaluussitilluni eqqarsarluarnissaq pisariaqarpoq. Assersuutigalugu piffissaanngitsukkut naapitsiguit, immaqa nerilernermi, oqarsinnaavutit kingusinnerusukkut aggeqqinniarlutit. Sila taarpat, takusinnaasaannik nikorfagit kinaanerit aamma sooq aggernerlutit oqaatigipallakkit. Aqqusinermi qaammaqqutilimmi marluulluni imaluunniit eqimattakkuutaarluni angalaarnissaq silatusaarnerussaaq. Inuit innangajalerneranni angalaaqinak. (2 Kor 6:3) Angalaarfigisartagaq isumannaatsuunngippat ualikkut angalaarit. — Uss 22:3.
4. Unnukkut oqaluussisarneq qanoq pilluaqqussutissartaqarpa?
4 Pilluaqqussutit: Oqaluussineq nuannernerusarpoq naapitaqarsimagaangatta. Inunnik amerlanerusunik naapitsisarutta amerlanerusut ‘annaanneqarnissaannut sallusuissummillu ilisarsinissaannut’ periarfissaqarluarnerussaaq. (1 Tim 2:3, 4) Unnukkut oqaluussinermut peqataasinnaanissannik pilersaarutitit tulluarsarsinnaavigit?