Saqqummiinermut siunnersuutit

Decembarimi arfininngornermi siullermi Biibilimik atuaqqissaaqateqarneq qanoq aallartinneqarsinnaasoq

“Ukiup taamaalinerani inuppassuit Jiisusi eqqarsaatigisarpaat. Illit Jiisusip suliaatut annerpaatut suna takorloortarpiuk? [Akissutaa tusarnaaruk]. Allaaserisami qupperneq 16-imi qulequtaq maluginiaruk.” Vagttårnet 1. decembarimeersoq pulaakkamut tunniuguk qulequtaaqqap siulliup ataaniittoq sammisiuk allassimaffillu minnerpaamik ataaseq atuarlugu. Atuagassiat neqeroorutigikkit apeqqutillu tulliuttup oqaloqatigiissutiginissaanut pulaaqqinnissannik isumaqatigiissuteqarfigiuk.

Napasuliaq Alapernaarsuiffik 1. decembari

“Illit isummat paaserusupparput. Guuti aperisinnaasuugukku qanoq apererusussagaluarpiuk? [Akissutaa tusarnaaruk]. Jiisusi naapertorlugu ilumoorluni apeqqutinut akissutissarsiornissaq pissusissamisoorpoq. [Matthæusi 7:7 atuaruk]. Atuagassiami uani apeqqutit pingasut Biibilimi akineqartut atuarsinnaavatit.” Apeqqutit qupperneq 3-p ataaniittut pulaakkamut takutikkit.

Vågn op! Decembari

“Inuppassuit ullumikkut uisakajaarlutillu tatineqartarput. Illit isumaqarpit inuit siornatigornit utaqqisinnaassuseqannginnerusut. [Akissutaa tusarnaaruk]. Inuit ilaasa upperaat uisakajaarneq 2 Timotheusi 3:1-imi siulittuutigineqarsimasoq. [Atuaruk]. Atuagassiami uani nassuiarneqarpoq sooq utaqqisinnaassuseqannginneq ajoqutaasoq aamma siunnersuuteqarpoq qanoq kamagittarnerulluta inuusinnaasugut.”