Aallarniutitut siunnersuutit

Decembarimi arfininngornermi siullermi Biibilimik atuaqqissaaqateqalernissamut

“Inuit maani najugaqartut soqutiginartumik oqaloqatigilaarusullugit pulaarpavut. Illit nakuusernerit naapertuilluanngissutsillu naalakkersuisunit nungutilluinnarneqarsinnaasoraagit?” Akissutaanut tusarnaarit. Guutip naalagaaffia tamakkuninnga aaqqiisinnaasoq tikiuteqqullugu Jiisusip ajoqersukkani ilinniartikkai eqqaajuk. Napasuliaq Alapernaarsuiffik-up novembari-decembarimoortup tunuaniittoq takutiguk, apeqqutillu siulliup nassuiaataa sammisiuk allassimaffiillu innersuussutigineqartut ilaat minnerpaamik ataaseq takutillugu. Atuagassiaq neqeroorutigiuk apeqqutillu tulliuttup samminissaanut aggeqqinnissannik isumaqatigiissuteqarfigalugu.

Napasuliaq Alapernaarsuiffik Novembari-decembari

“Jiisusip qinnutaani tusaamasaasumi Ataatarpuumi oqaatsit pillugit illit eqqaamiutillu oqaloqatigilaarusullusi kasuttorpugut. [Matthæusi 6:9, 10 atuakkit]. Guutip naalagaaffia pillugu sukumiisumik nassuiaanneqarnikuuit, aamma nalunngiliuk sooq Jiisusip tamanna taama eqqartukulatigigaa? [Tusarnaaruk]. Guutip naalagaaffiata nunarsuarmi pissutsinik nuanningaartunik pilersitsinissaa pillugu Biibilimi qanoq allassimasoqartoq atuagassiami uani atuarneqarsinnaavoq.”

Vågn op! Decembari

“Peqqissutsimut ajornartorsiut nalinginnaasoq inuit ernumassutigisartagaat pillugu sivikitsuinnarmik oqaloqatigilaarusullutit kasuttorpunga. WHO naapertorlugu inuit sisamaagaangata ataatsip misigissutsikkut eqqarsaataatsikkullu nappaatit, soorlu isummakkut nanertisimaneq, inuunermini atugariumaarpai. Nappaatit taamaattut nalinginnaaleraluttuinnarsoraagit? [Tusarnaaruk]. Biibili naapertorlugu nunarsuarmi siunissaq nappaateqanngiffiusoq anniaateqanngiffiusorlu neriuutigaarput. [Saqqummersitat 21:3, 4 atuakkit]. Atuagassiami uani misigissutsikkut eqqarsartaatsikkullu nappaatit pillugit ilisimasariaqakkat ilaat allaaserineqarput.”