Namminerisamik angalaarfigisartagaqarneq iluaqutigissaviuk?
1. Namminerisamik angalaarfigisartagaqarneq qanoq isumaqarpa?
1 Namminerisamik angalaarfigisartagaqarneq qanoq isumaqarpa? Angalaarfigisartagarpassualimmi ilagiinniikkuit namminerisamik angalaarfigisartagaqalersinnaavutit, immaqa najukkavit eqqaani. ‘Organisationsbogen’-imi qupp. 103-mi nassuiarneqarpoq: “Tikeriaannakkannik namminerisamik angalaarfigisartagaqaruit nalunaajaanissamut piffissamik atorluaanerusinnaavutit. Aamma namminerisamik angalaarfigisartakkanni oqaluussisartoq alla nalunaajaaqatigisinnaavat.”
2. Namminerisamik angalaarfigisartagaqarneq oqaluussisartoqatigiinnik nalunaajaaqataanerup saniatigut qanoq atorneqarsinnaava?
2 Oqaluussisartoqatigiinnik nalunaajaaqataanerup saniatigut: Suliffippit eqqaani namminerisamik angalaarfigisartagaqaruit ulloqeqqarnerpit nalaani imaluunniit angerlannginninni nalunaajaasinnaavutit, immaqa oqaluussisartoq alla ungasinngitsumi sulisartoq ilagalugu. Najukkassi eqqaani angalaarfigisartagaqaruit ajornannginnerusumik unnukkut ilaquttatit ilagalugit nalunaajaasinnaavusi. Katersuuttoqanngippat tulluartuussaaq angalaalinnginninni oqaluussinermi siulersoqqullutit Jehova qinnuigigukku. (Fil 4:6) Namminerisamik angalaarfigisartakkanni angalaartarnerit ilagiinnilu oqaluussisartoqatigiittut aaqqissuussat tapersersorniarlugit oqimaaqatigiissaarisassaatit. Pingaartumik sapaatip akunnerata naanerani amerlasuut nalunaajaaniarlutik katersuussimasut oqaluussisartoqatigiit ilaaffigisatit tapersersorukkit pitsaanerussaaq.
3. Namminerisamik angalaarfigisartagaqarneq qanoq iluaqutaava?
3 Iluaqutissat: Namminerisamik angalaarfigisartagaqaruit qaqugukkulluunniit piffissaqartillutit nalunaajaasinnaassaatit. Taamaalillutit ungasissuliaqqaartinnak nalunaajaanissamut piffissaq atorluarnerusinnaassavat. Taanna ikiorti-pioneriunissamut pioneriunissamulluunniit periarfissaqalersitsivoq. Soqutiginninnermik ersersitsisut tamaani najugaqarunik pulaaqqiinissaq Biibilimillu atuaqqissaaqateqarnissaq ajornannginnerussaaq. Amerlasuut isumaqarput, namminerisamik angalaarfigisartakkaminni nalunaajaanikkut najugaqartut ilikkarnerusarlugit tatigineqarnerulertarlutillu, pingaartumik arlaleriarlugu nalunaajaaffigereersimagaanni. Namminerisamik angalaarfigisartagaqarnerit ilaquttatillu kiffartornerup naammassinissaanut iluaqutigisinnaavisiuk? — 2 Tim 4:5.