Unittariaqarpit?

Oqaluussisartut ilaat oqaluussigaangamik piffissami aalajangersimasumi unittarput, immaqa ulloqeqqanut. Soorunami atukkatik apeqqutaatillugit ilaasa oqaluussinertik piffissami aalajangersimasumi unitsittariaqartarpaat. Oqaluusseqatitit oqaluussiunnaarlutik unikkaangata imaluunniit illit najukkanni aalajangersimasumik unittarneq ileqquummat illit unittarpit? Torrutiinnarlugu oqaluussinikkut oqaluussinerit sivitsornerulaarsinnaaviuk, assersuutigalugu aqqusinermi? Angerlartillutit ataatsimik marlunnilluunniit pulaaqqiisinnaavit? Takorlooruk soqutiginnittup ataasiinnaalluunniit naapinneratigut imaluunniit saneqquttumut atuagassianik tunisinikkut qanoq angusaqarluartigisinnaanerlutit! Oqaluussinermi uniinnanngikkutta ‘qujaniutinik pilliutiginninnerput’ annertusisinnaavarput. — Hebr 13:15.