Naalagaaffimmik Nutaarsiassat nr. 38 novembarimi agguaassassaq!
1. Toqusut pillugit inuit suna eqqarsaatigisarpaat, novembarimilu suna suliniutigineqassava?
1 Toqu, qanorluunniit upperisaqaraluaraanni, inuit tamarmik akeraraat. (1 Kor 15:26) Amerlasuut eqqarsaatigisarpaat toqusut sumiinnersut takoqqikkumaarnerlugillu. Taamaattumik Naalagaaffimmik Nutaarsiassat nr. 38 qulequtalik ‘Toqusimasut uummaqqissinnaasoraagit?’ nunarsuaq tamakkerlugu qaammat naallugu ilagiinnit agguaanneqassaaq. Immikkut ittumik suliniuteqarneq novembarip aallaqqaataani aallartissaaq. Immikkut ittumik suliniuteqareernerup kingornatigut Naalagaaffimmik Nutaarsiassat nr. 38 naqitaaqqatut agguaanneqartalissaaq.
2. Naalagaaffimmik Nutaarsiassat nr. 38 qanoq aaqqissuunneqarsimava?
2 Qanoq aaqqissuunneqarsimasoq. Naalagaaffimmik Nutaarsiassat nr. 38 quppigassanngorlugu sanaajuvoq saqqaa soqutiginartumik qulequtaqarluni “Aap? Naamik? Immaqa?”-millu akisassartalimmik. Naalagaaffimmik Nutaarsiassat atuartup qupperuniuk qulequtaa Biibilimi qanoq akineqarnersoq neriorsuullu nammineq qanoq iluaqutigisinnaanerlugu atuassavai. Aamma sooq Biibilimi allassimasut upperisinnaanerlugit atuarsinnaavaa. Tunuani eqqarsaatigisassaanik soqutiginartumik apeqquteqarpoq paasisaqarnerunissaanillu kajumissaaruteqarluni.
3. Naalagaaffimmik Nutaarsiassat nr. 38 qanoq agguaanneqassava?
3 Qanoq agguaanneqassasoq. Eqqaaniaalluni nalliuttorsiornissamut ataatsimeersuarnissamullu qaaqqusisarnermut periuseq assigalugu agguaanneqassaaq. 2013-imi apriilip aallaqqaataani utoqqaanertanut allakkat naapertorlugit angalaarfigisartakkami qanoq agguaassisoqassanersoq utoqqaanertat siulersussavaat. Naalagaaffimmik Nutaarsiassat nr. 38-nik taamaallaat sapaatip akunneranut naammattunik tigusisoqartassaaq. Immikkut ittumik suliniuteqarnerup nalaani illumiit illumut agguaanneqareerpat aatsaat tamanut oqaluussinermi atorneqarsinnaavoq. Suli qaammat naanngitsoq nungussagaluarpata Biibililersaarutit qaammammi neqeroorutissat neqeroorutigineqassapput. Qaammammi arfininngornermi siullermi Biibilimik atuaqqissaaqateqarniarnermut taarsiullugu immikkut ittumik suliniuteqarnermut tamatta peqataaniarsarissaagut. Sapaatip-akunnerata naanerani atuagassiat ilanngullugit neqeroorutigineqarsinnaapput. immikkut ittumut suliniuteqarnermut peqataajumallutit pilersaarusiulereersinnaavit?