Eqqaaniaalluni nalliuttorsiornissamut qaaqqusilluni suliniarneq marsip 1-ianiit aallartissaaq
1. Eqqaaniaalluni nalliuttorsiornissamut qaaqqusilluni suliniarneq qaqugu aallartissava, aamma sooq ukioq manna sivisunerusumik suliniuteqartoqassava?
1 Marsip aallaqqaataani tallimanngornermi allat peqatigaluta eqqaaniaalluta nalliuttorsiornissatsinnut ukiumoortumik suliniarnerput aallartissaaq. Eqqaaniaalluni nalliuttorsiornissaq marsip 26-anni pissaaq, suliniarnerlu ukiuni siuliinit siusinnerulaartumik aallartissaaq. Taamaaliornerup inuit amerlanerusut qaaqqusissummik tigusinissaannik periarfississavai, pingaartumik ilagiinni angalaarfigisartagarpassualinni.
2. Qaaqqusissutit qanoq pissarsiarineqassappat angalaarfissallu qanoq angalaarfigineqassappat?
2 Aaqqissuussineq: Angalaarfissat qanoq tamakkerlugit anguneqassanersut aamma qaaqqusissutit angerlarsimanngitsunut nakkartiinnarneqassanersut utoqqaanertat aaqqissuutissavaat. Illumiit illumut agguaassereernermi qaaqqusissutinik sinneqartoqarpat torrutiinnarlugu oqaluussinermi atorneqarsinnaapput. Kiffartornermik nakkutilliisup qaaqqusissutit paasissutissanik naqitsiffigineqarsimasut oqaluussisartunut tigoriaannanngorlugit Biibililersaarutinik imaluunniit atuagassianik agguaassisarfimmut inaalissavai, qaaqqusissutilli ataatsikkut tamakkerlugit ilineqassanngillat. Sapaatip akunneranut atugassat taamaallaat tiguneqassapput.
3. Qaaqqusissutinik agguaassinermi suna eqqaamassavarput?
3 Qanoq oqarsinnaavugut? Inuit amerlanerpaat anguniarlugit naatsunnguamik saqqummiigutta pitsaanerussaaq. Angalaarfigisartakkatsinnut tulluarsarsinnaasatsinnik qupperneq 4-mi siunnersuuteqarpoq. Soorunami pulaagaq inussiarnerpat apeqqutissaqarpallu ingerlaqqinniapallattariaqanngilagut. Tulluarpat weekendimi agguaassinermi atuagassiat neqeroorutigineqarsinnaapput. Qaammammi arfininngorneq siulleq nalinginnaasumik atuaqqissaaqatissarsiornermut atortaraluaripput, marsip aappaanni qaaqqusissutinik agguaassineq pingaarnerutillugu angalaassaagut.
4. Sooq suliniuteqarnermi sapinngisannguarput tamaat agguaassissaagut?
4 Eqqaaniaalluni nalliuttorsiornermi amerlasuut najuunnissaat neriuutigaarput. Oqalugiaammi Jiisusi kinarpiaanersoq sammineqassaaq. (1 Kor 11:26) Toqunera qanoq iluaqutigineripput nassuiarneqassaaq. (Rom 6:23) Aamma erseqqissarneqassaaq sooq Jiisusip eqqaamaneqarnissaa pingaaruteqartuusoq. (Joh 17:3) Qanortoq suliniuteqarnermi sapinngisannguarput tamaat agguaasigisa!