Qitornannik ilinniartitsininni nittartagarput atoruk
1. Nittartakkami immikkoortoq “Børn” qanoq siunertaqarpa?
1 Nittartagarput, jw.org, inunnut qassinilluunniit ukiulinnut soqutiginarsagaavoq. Jw.org-ip qallunaatuuani immikkoortumi “Børn”-imi (Bibelens lære > Børn tuukkit) qitornat angajoqqaallu imminnut Jehovamullu qaninnerulernissaminnut ikiorserneqarsinnaapput. (5 Mos 6:6, 7) Qitornannik ilinniartitsininni immikkoortoq taanna qanoq atorsinnaaviuk?
2. Qitornat atuaqqissaaqatiginiarlugu taassuma ukiuanut naleqquttunik sammisassassinnik qanoq toqqaasinnaavit?
2 Naleqqussaagit. Meeqqat tamarmik assigiinngitsunik pisariaqartitaqartarput. (1 Kor 13:11) Taava qitornat atuaqqissaaqatiginiarlugu ukiuanut naleqquttunik qanoq toqqaasinnaavit? Imminut aperigit: “Qitornama suut soqutigisaraat? Qanoq paasisaqarsinnaatigippat? Qanoq sivisutigisumik sammisaminnik aallussisinnaappat?” Qitornat pingasunik pingasulluunniit inorlugit ukiullit peqatigalugit “Mine Bibelsider”-imi oqaluttuat sammineqarsinnaapput. Ilaqutariit ilaasa “Undervis dine børn”-imi Biibilimit oqaluttuat iluaqutigisarpaat. Aamma qinigassat tulliuttut eqqarsaatigikkit.
3. Angajoqqaat “Projekter til Den Teokratiske Familieaften”-imi oqaluttuat ilinniagassallu qanoq atorluarsinnaavaat?
3 Ilaqutariittut atuaqqissaaqatigiinnermi sammisassat. Angajoqqaat qitornaminnik atuaqqissaaqateqarnissaminnut “Projekter til Den Teokratiske Familieaften”-imi sammisassat iluaqutissaraat. Tuugassaq “Download” tooruk, taava oqaluttuat sammisassallu qanoq atorneqassanersut sammisassani tamatigut “Guide til forældre” atuartaruk. Titartakkat qalipagassat (“Tegning”) atorlugit meeqqat mikinerusut ilinniartikkit. Meeqqat angajulliunerusut sammisassanik (“Studieprojekt”) naammassinninnissaannut ikiukkit. Sammisassat tamarmik immikkut Biibilimik oqaluttuamut imaluunniit ilinniagassamut atuumassuteqarmata ilaqutariittut atuaqqissaaqatigiinnermi meeqqat qassinilluunniit ukiullit peqataatinneqarsinnaapput.
4. Immikkoortoq “Bliv Jehovas ven” sunik imaqarpa?
4 Jehovamut ikinngutaalerit. Nittartakkami immikkoortumi “Bliv Jehovas ven”-imi filmit, erinarsuutit sammisassallu atorlugit angajoqqaat Guutip oqaasia meeqqaminnut puiuikkiutitissinnaavaat. (5 Mos 31:12) Filmit naatsut tamarmik immikkut pingaaruteqartumik ilinniutitaqarput. Pinnguaatini (“Aktiviteter”) ilinniagassani pingaaruteqartut ersersinneqartarput. Meeqqat erinarsorneq nuannarisarmassuk nittartakkami erinarsuutit Naalagaaffilersaarutit erinarsuutillu allat meeqqanut erinarsugassiaapput, taakkulu atortarnerisigut meeqqat ilikkakkatik eqqaamasinnaavaat.
5. Sooq angajoqqaat qitornaminnik sallusuissummik ilinniartitsinerminnik ikioqqullutik Jehova qinnuigissavaat?
5 Ilissi angajoqqaajususi, Jehovap kissaatigaa anaanatut ataatatullu iluatsitsilluassasusi. Taamaammat qitornassinnut sallusuissummik ilinniartitsinissinnik ikioqqullusi qinnuigisiuk. (Eqq 13:8) Jehovap tapersersuineratigut qitornassinnut ilinniartissinnaavasi “ilisimassuseqalersitsisinnaasut annannissamik Kristusi-Jiisusimut uppernikkut.” — 2 Tim 3:15; Uss 4:1-4.