Oqaluussininni jw.org-imi meeqqanut naleqquttut atukkit

Nittartakkami jw.org-imi “Bliv Jehovas ven”-imi meeqqanut qupperneqarpoq ilaatigut erinarsuutinik, isiginnaagassianik sammisassanillu imalimmik. (Alakkaruk jw.org, taavalu BIBELENS LÆRE > BØRN toorlugit). Qupperneq taanna oqaluussininni atornikuuiuk? Meeralimmik atuaqqissaaqateqaruit takutinnikuuiuk? Immaqa taamaalilluni taassuma nittartakkatsinniittunik allanik misissuinissani kajungerinerulissavaa.

Qatanngutip angutip arnaq naapitani Naalagaaffimmik Nutaarsiassat nr. 38-mik tunivaa, tigusisullu erngerluni atualerpaa. Meeraasa arajutsiniaratik naqitaaraq ussagarfigaat. Qatanngutip angutip imai eqqartulaarpai tunuanilu nittartakkatta adressia takutillugu. Arnaq soqutiginninnermik ersersitsimmat arnamut meeqqanullu Lukasimik isiginnaagassiaq angallattakkaminit elektroniskiusumit takutippaa.

Qatanngutip arnap suleqatini meeralik nittartagarput pillugu oqaluttuuppaa ilisimatillugulu taanna aamma ilaqutariinnut tunngasunik imaqartoq. Arnap meeraasalu jw.org alakkarpaat. Kingusinnerusukkut arnap qatanngut arnaq oqaluttuuppaa meeqqami “Bliv Jehovas ven”-imiittoq erinarsuut “Tal Guds ord” angerlarsimaffimminni erinarsoqattaartaraat.

Qupperneq jw.org-imiittoq taanna paasiniarnerujuk aamma isiginnaagassiat, erinarsuutit sammisassallu ilaat angallattakkannut elektroniskiusumut immiullugit. Taava oqaluussitillutit jw.org-imi sammisassat taamaalillutit takuteriaannaassavatit. Naalakkamut kiffartornitsinni jw.org iluaqutaaqaaq! — ApS 20:19, 1936.