Aallarniutitut siunnersuutit

Marsimi arfininngornermi siullermi Biibilimik atuaqqissaaqateqalernissamut

“Inuppassuit Guuti pillugu assigiinngitsunik takorluugaqartarput. Ilaat isumaqarput Guuti paasiuminaatsuusoq. Allat Ataatatut qilammiusutut asannittutut takorloortarpaat. Illit Guuti qanoq takorloortarpiuk?” [Akissutaanut tusarnaarit]. Napasuliaq Alapernaarsuiffik-up marsi-apriilimoortup tunuaniittoq takutiguk apeqqutillu siulliup ataaniittoq sammisiuk minnerpaamillu allassimaffik ataaseq atuarlugu. Atuagassiaq neqeroorutigiuk apeqqutillu tulliuttup samminissaanut pulaaqqinnissannik isumaqatigiissuteqarfigalugu.

Napasuliaq Alapernaarsuiffik Marsi-apriili

“Tamatsinnut eqquisartoq, tassa asasatsinnik toqukkut annaasaqartarneq pillugu inoqativut oqaloqatigiumallugit kasuttorpugut. Isumaqataavit ikinngummik asasamik ilaquttamilluunniit toqukkut annaasaqartarneq inuunitsinni aqqusaartakkatta artornarnerpaartarigaat? [Akissutaanut tusarnaarit]. Biibilimi versi una inuppassuit tuppallersaatigisarpaat. [Esaja 25:8 atuaruk]. Atuagassiami matumani toqup piujunnaarsivinneqarnissaanik aamma asasatta toqumit makititaanissaannik Biibilimi neriorsuutit tuppallernartut allaaserineqarput.”

Vågn op! Marsi

“Biibilimi versi amerlasuunit eqqunngitsumik paasineqartartoq naatsunnguamik nassuialaarusullugu kasuttorpunga. [1 Mosesi 1:1 atuaruk]. Inuit ilaasa upperaat avataarsuaq pinngortinneqarsimasoq ilaasali taamaassorinagu. Illit qanoq isumaqarpit? [Akissutaanut tusarnaarit]. Upperisarsiornikkut siuttut ilaasa Biibilimi allassimanngitsut ajoqersuutigisarmatigit pinngortinneqarsimanera amerlasuut upperiuminaatsittarpaat. Avataarsuup pileqqaarnerata Biibilimi eqqortumik tutsuiginartumillu nassuiarneqarnera atuagassiami matumani sammineqarpoq.”