Aallarniutitut siunnersuutit

Oktobarimi arfininngornermi siullermi Biibilimik atuaqqissaaqateqalernissamut

“Inuit tamangajammik piffissap ilaanni qinusarput. Allaat guuteqannginneraasut ilaat ajornartorsiuleraangamik qinusarput. Qinnutit tamaasa Guutimit tusarneqartarsoraagit?” Akissutaanut tusarnaarit. Atuagassiap Napasuliaq Alapernaarsuiffik-up septembari-oktobarimoortup tunuaniittoq takutiguk. Apeqqutip siulliup ataaniittoq sammisiuk allassimaffillu minnerpaamik ataaseq atuarlugu. Atuagassiaq neqeroorutigiuk apeqqutillu tulliuttup oqaloqatigiissutiginissaanut pulaaqqinnissannik isumaqatigiissuteqarfigalugu.

Napasuliaq Alapernaarsuiffik Septembari-oktobari

“Piffissaqalaaruit aperilaarusuppakkit. Tiingasulersaarutit qanoq siammarsimatiginerat inuppassuit annilaarutigaat. Amerlasuulli isumaqarput, tiingasulersaarutit aliikkutaannaasut akornutaanngitsut. Illit qanoq isumaqarpit? [Akissutaanut tusarnaarit]. Jiisusi oqarpoq, suna ajunngitsuunersoq orpiup inerititaanit takuneqarsinnaasoq. [Matthæusi 7:17 atuaruk]. Tiingasulersaarutit kingunerisartagaat pillugit atuagassiami uani atuarneqarsinnaapput. Aamma tiingasulersaarutinik isiginnaartarnermik qanoq asoorussisoqarsinnaasoq atoriaannaasunik siunnersuuteqarpoq.”

Vågn op! Oktobari

“Illit isummat paaserusupparput: Pigisarpassuaqanngikkaluarluni nalerisimaartoqasinnaava? [Akissutaanut tusarnaarit]. Biibilimi qanoq allassimasoqartoq maluginiaruk. [1 Timotheusi 6:8 atuaruk]. Aningaasanut oqimaaqatigiissaartumik isiginnittaaseqarneq aamma aningaasanik pisiarineqarsinnaanngitsut pingaarutillit pingasut pillugit atuagassiami uani sammineqarput.”