Aallarniutitut siunnersuutit

Eqqaaniaalluni nalliuttorsiornissamut qaaqqusinermik suliniarnermut

“Pisussamut pingaarutilerujussuarmut qaaqqusissummik agguaassivugut. Apriilip 14-ianni Jiisusip toqunera eqqaaniarniarlugu nunarsuaq tamakkerlugu inuit millionillit nalliuttorsiutigissavaat. Oqalugiaammi Biibilimik tunngavilimmi Jiisusip toqunera uagut qanoq iluaqutigisinnaaneripput sammineqassaaq. Illoqarfimmi maani sumi qassinullu pinissaa qaaqqusissummi takuneqarsinnaavoq.”

Napasuliaq Alapernaarsuiffik Marsi-Apriili

“Tamatsinnut eqquisartoq, tassa asasatsinnik toqukkut annaasaqartarneq pillugu inoqativut oqaloqatigiumallugit kasuttorpugut. Isumaqataavit ikinngummik asasamik ilaquttamilluunniit toqukkut annaasaqartarneq inuunitsinni aqqusaartakkatta artornarnerpaartarigaat? [Akissutaanut tusarnaarit]. Biibilimi versi una inuppassuit tuppallersaatigisarpaat. [Esaja 25:8 atuaruk]. Atuagassiami matumani toqup piujunnaarsivinneqarnissaanik aamma asasatta toqumit makititaanissaannik Biibilimi neriorsuutit tuppallernartut allaaserineqarput.”