Apeqquteqarfik
◼ Meeqqat anersaakkut inersimasunngussagunik suut ilinniartariaqarpaat?
Angajoqqaat kristumiut qitornatik “Jehovap ileqqoreqqusai oqaaqqissaarutaalu malillugit” perorsarniarlugit ilungersortaqaat. (Ef 6:4, NW) Assersuutigalugu angajoqqaat amerlanerit ullaat tamaasa meeqqatik peqatigalugit ullormut allassimaffiit samminissaat iluarisarpaat. Ilaqutariittut atuaqqissaaqatigiinnermi periarfissanilu allani ilaqutariit isiginnaagassianik isiginnaaqatigiissinnaapput eqqartueqatigiillutillu, Inuusuttut aperipput-mi allaaserisat aalajangersimasut sammisinnaavaat Biibilimilu oqaluttuanik nalaassinnaasanilluunniit isiginnaagassiorsinnaallutik. Meeqqalli ‘inersimassummut ingerlaniarunik’ aamma Biibilip sallusuissutaannik itisuunik ilinniartinneqartariaqarput. — Hebr 6:1, 1936.
Oqaluussiffigisartakkatsinni naapittakkavut sunik ilinniartittarivut eqqarsaatigiuk. Naapitsigaangatta pulaarnermi siullermi kingusinnerusukkulluunniit amerlanertigut atuagaq Biibilimi sorpiaat ajoqersuutigineqarpat? atorlugu atuaqqissaaqatiginiartarpavut. Taanna naammassigaangatsigu atuagaq ‘Bevar jer selv i Guds kærlighed’ atuartarparput. Sooq? Atuaqqissaaqatigineqartut atuagaq Biibilimi ajoqersuutigineqartut iluaqutigalugu Biibilip imarisai tunngaviusut ilinniartarmassuk. Atuagarlu ‘Guds kærlighed’ iluaqutigalugu Biibilimi najoqqutassiat ulluinnarni qanoq atorneqarsinnaasut ilinniartarpaat. Atuakkat taakku marluk sammineqareerneratigut atuaqqissaaqatigineqartartut ‘kristusimi sorlanikkiartuaassapput uppernikkullu aalajaallillutik’. (Kol 2:6, 7) Atuaqqissaarutissat taakku meeqqatta aamma iluaqutigissannginnerpaat? Aamma taakkua utertitsissut, Guutip naalagaaffia toqunerullu kingorna qanoq pisoqartarnera pillugit ilinniartinneqartariaqarput. Meeqqat aamma paasisariaqarpaat sooq Guutip ajussuseq akuerisimagaa, aamma akisinnaasariaqarpaat qanoq nalunnginneripput pissutsit aaqqissuussaanerata ulluini kingullerni inuulluta. Taakkulu Jehovap nalunaajaasuisa upperisaata eqqortuuneranik qularunnaarsinneqartariaqarput. Taamatuttaaq meeqqat inuusuttullu Biibilimi najoqqutassiat paasisariaqarpaat aamma ‘ajunngitsumik ajortumillu immikkoortitsisinnaanissaq’ qanoq sungiusarneqarsinnaasoq ilinniartariaqarlugu. (Hebr 5:14) Soorunami angajoqqaat qitornamik ukiui piginnaasaallu eqqarsaatigissavaat. Meeqqalli amerlanerit Biibilip sallusuissutai itisuut mikisunnguullutilli ilinnialereersinnaavaat. — Luk 2:42, 46, 47.
Nittartakkatsinni jw.org-imi angajoqqaat atuagaq Biibilimik ajoqersuutigineqartut tunngavigalugu atuaqqissaarutissat nassaarisinnaalerpaat. BIBELENS LÆRE tooruk taavalu TEENAGERE toorlugu. Aamma kingusinnerusukkut atuagaq ‘Guds kærlighed’ tunngavigalugu atuaqqissaarutissanik ikkussisoqarumaarpoq. Soorunami aamma taakku, atuakkatut naqinneqareersimasut, atorneqarsinnaapput. Angajoqqaat ilaqutariittut atuaqqissaaqatigiinnerminni qitornaminnilluunniit atuaqqissaaqateqarnerminni imaluunniit qanoq atuaqqissaartoqarsinnaaneranik qitornaminnik ilitsersuinerminni atuaqqissaarutissat taakku atorniarnerlugit eqqarsaatigisinnaavaat.