Oqaluussinermi pikkorinnerulerit — Allamiutut oqaluttunut oqaluussinikkut

Sooq tamanna pingaaruteqartoq. Jehovap inuit “inuiaqatigiinni kikkuusuniluunniit” anersaakkut atugarissaarnissaat soqutigaa. (ApS 10:34, 35) Taamaattumik Jiisusip oqaatigaa nutaarsiassaq nuannersoq “silarsuarmi tamarmi” aamma ‘inuiannut tamanut nalujunnaarsinneqassasoq’. (Matt 24:14) Zakariap siulittuutigaa ‘inuiannit assigiinngitsunit’ tamaneersut sallusuissummik ilassinnikkumaartut. (Zak 8:23) Apustilip Johannesip takorruuinera naapertorlugu annikilliornartussarsuarmi “inuiaqatigiinnit naggueqatigiinnillu inuiannillu immikkullu oqaasilinnit tamanit pisut” ataasiakkaat aniguisunut ilaajumaarput. (Saqq 7:9, 13, 14) Taamaattumik oqaluussiffigisartakkatsinni allamiutut oqaluttumik naammattoorsigutta, aamma taanna oqaluussiffiginiartariaqarparput.