Oqaluussinermi pikkorinnerulerit – Oqaluussiffigisartakkatsinni kikkunnut tamanut saaffiginninnikkut

SOOQ PINGAARUTEQARTOQ: Zakaria siulittuivoq inuit inuiannit tamaneersut nutaarsiassaq nuannersoq ajunngitsumik qisuariarfigiumaaraat. (Zak 8:23) Kikkulli taakku ilinniartissavaat? (Rom 10:13-15) Uagut nutaarsiassaq nuannersoq oqaluussiffigisartakkatsinniittunut tamanut tusarliutissallugu immikkut pisinnaatitaaffigalugulu akisussaaffigaarput. – od-D qupp. 84 § 10-11.

QANOQ TAAMAALIORSINNAASUTIT:

• Piareersarit. Allamiutut oqaasilinnik naapitsisarpit? App-eq JW Language atorlugu aallarniummik nalunanngitsumik ilinniarsinnaavutit. Imaluunniit mobilit tabletilluunniit atorlugu naapitannut takutissinnaavat jw.org-imi nammineq oqaatsimini paasissutissat amerlanerusut qanoq nassaarisinnaagai

• Eqqumagit. Illumiit illumut oqaluussitillutit sanioqquttunut biiliniluunniit utaqqisunut oqaluussinissamut periarfissat maanngaannarteqinagit. Tamanut oqaluussinermut peqataaguit oqaluussaqarnissat anguniagariuk

• Eqiasuitsuugit. Inoqanngitsoortissimasatit uterfigeqqittakkit. Illuni tamani inummik naapitaqarniarlutit ilungersorit, immaqa ullup ingerlanerani piffissani assigiinngitsuni imaluunniit sapaatip-akunnerani ullormi allami uteqqillutit. Immaqa ilaat allakkatigut, oqarasuaatikkut aqqusinermiluunniit oqaluussinermi atassuteqarfigineqartariaqarput

• Pulaaqqiisarit. Soqutiginnittoqaraangat uterfiginasuartakkit. Allamiutut oqaluppat ikiorniarlugu oqaasiinik oqalussinnaasumik ujaasigit. Oqaasiinik oqalussinnaasumit attavigineqarnissaata tungaanut pulaaqqittaruk. – od-D qupp. 94 § 39-40

FILMI FORKYNDELSE DER NÅR UD “TIL JORDENS FJERNESTE EGNE” ISIGINNAARIARLUGU APEQQUTIT UKU AKIKKIT:

• 

  Avinngarusimasumi najugallit oqaluussiffiginiarlugit qatanngutit qanoq piareersarpat? (1 Kor 9:22, 23)

• 

  Unamminiarnartut suut anigortariaqarpaat?

• 

  Qanoq pilluaqquneqarpat?

• Illit oqaluussiffigisartakkanni amerlanerusut atassuteqarfiginiarlugit qanoq iliuuseqarsinnaavit?