Aallarniutitut siunnersuutit

Napasuliaq Alapernaarsuiffik Novembari-decembari

“Eqqarsaatiginikuuiuk sooq Jehovap Nalunaajaasuinik taaguuteqartugut? [Akissutaanut tusarnaarit]. Tamatuma akissutaa Biibilimiippoq, tassanilu Guutip atia atuarsinnaavarput. [Tussiaat 83:19 atuaruk]. Jehovamik Nalunaajaasutut Jehova pillugu nutaarsiassat nuannersut Guutillu inuiannut siunertaa oqaluussissutigisarpavut. Atuagassiami matumani uagut pilluta isummat eqqunngitsut amerlasuut nassuiarneqarput.”

Vågn op! Decembari

“Ilaqutariit ikiorniarlugit sivikitsunnguamik pulaarpavut. Angerlarsimaffiup eqqissisimanartuunissaa kikkut tamarmik kissaatigaat. Ilaqutariinnut suna pitsaanerussava – isumaqatigiinngissutinik soqutiginninngitsuusaarneq imaluunniit isumaqatigiinngissutinik qanoq aaqqiinissamik ilinniarneq? [Akissutaanut tusarnaarit]. Maluginiaruk Biibilimi Ussatini qanoq allassimasoqartoq. [Ussatit 26:20a atuaruk]. Atuagassiami matumani Biibilimi siunnersuutit atoriaannaasut ilaqutariit angerlarsimaffimminnik eqqissisima­narnerutit­sinissaannut iluaqutissaat sammineqarput.”

Biibilimi sorpiaat ajoqersuutigineqarpat?

“Ullumikkut Biibili (Biibili tigummiuk) inuppassuarnit Guutip oqaasianik taaneqartartoq pillugu inuit oqaloqatigaavut. Atuakkap inunnit allanneqartup Guutip oqaasianik taaneqarnera naleqqunnersoq eqqarsaatiginikuuiuk? [Akissutaanut tusarnaarit. Taava 2 Petrusi 1:21 aamma qupp. 19-imi § 5 atuakkit]. Atuakkami matumani Biibili atorlugu apeqqutit uku akineqarput.” Apeqqutit qupp. 6-imiittut takutikkit.