JW Library atortarpiuk?

JW Library app-iuvoq akeqanngitsoq, taannalu atorlugu Biibili, Biibililersaarutit assigiinngitsut, isiginnaagassiat tusarnaagassiallu mobilinnut, tabletinnut qarasaasiannulluunniit aasinnaavatit.

QANOQ PISSARSIARINEQARSINNAASOQ: Internetimut attaveqariarlutit app-inik pisiniartarfikkut JW Library aajuk. App-eq atortorissaarutit elektroniskiusut assigiinngitsut atorlugit aaneqarsinnaavoq. Internetimut attaveqarninni app-eq ammaruk atortorissaarutinnullu nuukkusutatit aallugit. Angerlarsimaffinni interneteqanngikkuit immaqa naalagaaffilersaarfimmi, atuakkanik atorniartarfimmi sumiiffinniluunniit allani interneteqartuni taamaaliorsinnaavutit. Biibililersaarutit atortorissaarutinnut nooreerukkit ammarumallugit interneti atortariaqanngilat. JW Library-mi iluaqutissat nutaat ilanngunneqakulasarmata ilaanneeriarlutit internetimut attaveqariarlutit app-eq opdaterertassavat.

SOOQ PISSARSIARISSAVIUK? JW Library nammineq atuaqqissaarnermut ataatsimiinnernilu malinnaanermut iluaqutaangaarsinnaavoq. Aamma oqaluussinermi, ingammik torrutiinnarlugu oqaluussinermi, atorluarneqarsinnaavoq.