Naalagaaf­filer­saar­fimmi atua­gaa­sivik qanoq iluaqu­tigi­sinnaa­var­put?

Biibili pillugu ilisimasa­qarne­rulerumal­lutit misis­suinero­rusuppit? Al­las­simaf­fik aalajangersimasoq, imaluun­niit inuk, sumiif­fik al­laluun­niit Biibilimi eq­qaaneqartoq pil­lugu paasisaqar­nerorusuppit? Imaluun­niit eq­qarsar­pit Guutip oqaasia il­lit ajornartor­siutigisan­nut tun­ngatil­lugu iluaqu­tigisin­naaner­lugu? Taamaappat naalagaaf­filersaarfimmi atuagaasivik alak­karuk.

Pitsaa­sunik ujar­liute­qarpoq. Ilimanar­poq atuak­kat atuagas­sial­lu Biibililer­saarutit Jehovap Nalunaajaasuinit saq­qummersin­neqartut illit oqaat­sitit ator­lugit al­lan­neqarsimasut tamaasa pigin­ngik­kitit. Biibililer­saarutil­li nutaanerit amer­lanersaat naalagaaf­fi­lersaarfiup atuagaasivia­niipput. Aamma imaas­sin­naavoq Biibilimik nut­sik­kanik ar­lalin­nik, ordboginik qiner­lerfis­sianil­lu al­lanik ator­luarsin­naasunik peqartoq. Ataat­simiin­nerit aal­lartin­ngin­neran­ni kingornalu tamatumaniit­tut tamaasa misis­suif­figisin­naavatit. Qarasaasiamik inis­siisoqar­simappat, tamatumun­nga qularnan­ngit­sumik Watchtower Library-mik ik­kus­sisoqarsimas­saaq. Taan­na tas­saavoq programmi Biibililer­saarutaatit­ta ilar­parujus­suinik imalik atoruminartumil­lu ujar­liutitalik, sammisamik oqaat­simil­luun­niit al­las­simaf­fimmil­luun­niit ujar­liutigi­neqarsin­naasumik.

Inuuneq kiffar­tornerlu pil­lugit ataatsimiin­nermi ilin­niartut ilua­qutigisin­naavaat. Immaqa naalagaaf­filer­saarfimmi atuagaa­sivik saqqum­miussan­nik piareer­saanin­ni iluaqutigi­sinnaavat. Inuuneq kiffar­tornerlu pil­lugit ataatsimiin­nermi nakkutil­liisup atuagaasivik akisus­saaffigaa. Taassuma qulak­kiis­savaa saqqum­mersin­neqar­simasut kingul­liit tassunga torer­sumik inissin­neqarsima­nissaat. Taassuma ilinnil­luunniit Biibilimik atuaq­qissaaqatigin­nittartup ilinnut takutis­sinnaavaa paasis­sutissat pisariaqar­titatit qanoq ilillutit nanisinnaaneritit. Atuakkalli naalagaaf­filer­saarfimmit annin­neqaqqusaan­ngillat. Aamma soorunami atuak­kat mianer­suutissa­vavut allat­tuiffigina­viarnagillu.

Biibilimi al­las­simavoq ‘Guuti pil­lugu ilisimasaqalerumal­luta’ (NW) “er­lin­nartunik nas­saarniartutut” pil­luta ujaasiumasariaqartugut, imaluun­niit misis­suiumasariaqartugut. (Us­satit 2:1-5) Naalagaaf­filersaarfimmi atuagaasivik misis­suinis­samut iluaqutigis­savat.

• Naalagaaffilersaarfiup atuagaasiviani sunik ujarliuteqarpa?

• Atuagaasivimmik atorluaanissannut kia ikiorsinnaavaatit?