Naqitaaqqat atorlugit qanoq oqaloqatigiinnermik aallarniisoqartartoq

2018-imi januaarimiil­li Kristumiutut inuunerput kiffartornerpullu – Najoqqutassaq-p saq­qaani oqaloqatigiin­nis­samut siun­nersuuteqar­taler­poq. Kajumis­saar­neqar­pugut inuit Biibililersaarutinik neqeroorfigiin­nar­nagit oqaloqatigisaq­qul­lugit. Oqaluus­sisar­tut saq­qum­mius­seriaatsimik naleq­qus­saanis­samut ikior­niarlugit oqaloqatigiin­nis­samut siun­nersuutit pil­lugit filmini Biibili taamaal­laat atorlugu oqaloqatigiin­neq qanoq aal­lar­ner­neqarsin­naanersoq takutin­neqar­tar­poq. Imaap­pali il­lumiit il­lumut oqaluus­sigaangat­ta Biibililersaarutit ator­tas­san­ngik­kivut? Naamerluin­naq! As­sersuutigalugu naqitaaq­qat oqaloqatigiin­nermik aal­lar­niinis­samut atorluar­neqarsin­naap­put. Naqitaaq­qat suul­luun­niit atoraluarlugit ima iliorsin­naavugut:

1. Saq­qaani apeq­qut as­sigiin­ngitsunik akineqarsin­naasoq atuaruk.

2. Qup­per­nerup aap­paata qulaani al­las­simaf­fim­mi akis­sut Biibilimeersoq takutiguk. Pif­fis­saqarus­si naqitaaq­qap iluani paasis­sutis­sat ilaat atuarlugil­lu eq­qar­torsigit.

3. Naqitaaraq pulaak­kan­nut tun­niuguk kajumis­saarlugulu pif­fis­saqaleruni sin­nera atuaq­qul­lugu.

4. Ingerlan­ngin­nin­ni “Eq­qarsaatis­siis­sut”-mi apeq­qut takutiguk akis­sul­lu Biibilimeersoq eq­qar­tor­nias­sagas­siuk aggeq­qin­nis­sat isumaqatigiis­sutigalugu.

Aggeq­qik­kuit akis­sut eq­qar­torsiuk apeq­qul­lu tul­liani eq­qar­tugas­sarsi eq­qaal­lugu. Nit­tar­tak­katsin­ni qup­per­nermiluun­niit kingul­lermi Biibililersaarum­mi in­nersuus­sutigineqar­tumi apeq­qut atorsin­naavat. Pif­fis­sami naleq­qut­tumi qup­persak­kamut Tusagassat nuannersut Guutimeersut!-mut ilin­niar­titsinermiluun­niit ator­tak­kat­ta ilaan­nut al­lamut ikaarsaarsin­naavutit.