Piffissannik nukinnillu atuinikkut tunissuteqarsinnaavit?

Esajamit siulit­tuutigineqar­tutut Jehovap peqatigiis­sor­taani nunarsuarmiit­tumi aatsaat taama ineriar­tor­toqar­tigaaq. (Es 54:2) Taama ineriar­tor­toqar­tiginerata kingunerisaanik nutaanik naalagaaf­filersaarfilior­toqar­tariaqarlunilu ataatsimeersuar­tarfilior­toqar­tariaqarlunilu im­mik­koor­tor­taqarfilior­toqar­tariaqar­poq. Tamak­kunin­nga sanaar­tor­nerup kingor­na taak­kunin­nga aserfal­latsaaliuisoqar­tariaqar­poq ilaan­nil­lu im­maqa sanaq­qiisoqar­tariaqarluni. Tamak­ku pif­fis­satsin­nik nukitsin­nil­lu Jehovamut tun­nius­saqar­nis­samut sunik periarfis­saqalis­sutigaavut?

• Oqaluus­sisar­toqatigiit ilaaf­figisavut naalagaaf­filersaarfim­mik asaasus­san­ngoraangat­ta asaaqataasarsin­naavugut

• Naalagaaf­filersaarfitsin­nik aserfal­latsaaliuinermut nam­mineq piumas­sutsitsin­nik sungiusaqataasin­naavugut

• Sanaar­tor­tuunis­samik qin­nuteqaam­mik (DC-50) im­mersuisin­naavugut angerlarsimaf­fitsin­nut qanit­tumi sanaar­tor­ner­nut aserfal­latsaaliuiner­nul­lu ilaan­nik­kut ikiuutaasarumal­luta

• Nam­mineq piumas­sutsimik kif­far­tor­nis­samik qin­nuteqaam­mik (A-19) im­mersuisin­naavugut im­mik­koor­tor­tatsin­ni Betelimi il­lumiluun­niit al­lami sapaatip-akun­nerani ataatsimi sivisunerusumil­luun­niit ikiuutaajumal­luta

FILMI NYT BYGGEPROJEKT PÅ VEJ – UDDRAG ISIGINNAARIARLUGU APEQQUTIT TULLIUTTUT UKU AKIKKIT:

• 2014-imiil­li filminik qanoq atuisoqar­nerutigisoqalersimava?

• Filmilior­nis­samik pisariaqar­titsisoqaleralut­tuin­nar­nera malin­naaviginiarlugu sunik suliniuteqar­nis­saq pilersaarutigineqar­pa, sanaar­tor­nerlu qanoq sivisutigisus­san­ngor­tin­neqar­pa?

• Sulinium­mi tamatumani nam­mineq piumas­sutsimik qanoq ikiuut­toqarsin­naava?

• Sanaar­tor­nermi anginermi ikiuutaajumagut­ta sooq im­mersugas­samik (DC-50) im­mersuisariaqar­pugut sanaar­tor­nermi (LDC) suliniutigineqar­tuni angerlarsimaf­fitsin­nut qanit­tuni ikiuutaal­luta?

• Jehovap sulinium­mik tamatumin­nga siulersuineranut sunik up­per­narsaateqar­pa?

• Sanaar­tor­nermi ikiuutaasin­naan­ngik­kaluarluta sulinium­mik tamatumin­nga qanoq tapersersuisin­naavugut?