Kikkut internetikkut kammagivigit?

Ikin­ngut ‘tun­niusimanermik ataq­qin­nin­nermil­luun­niit aal­laavilim­mik allamut atas­suteqar­tar­tutut’ allaatigineqar­poq. Assersuutigalugu Daavi Goliatimik toqutsereermat Jonatani Daavilu ikin­ngutigiit­tut avis­saar­titas­saajun­naar­put. (Sa1 18:2) Tamarmik immik­kut pis­suseqar­put aap­paata ikin­ngutaarusulis­sutigisaanik. Taamaat­tumik ikin­ngutigiil­luar­tut eqqoq­qis­saar­tumik paasisimasaqar­nermik tun­ngavilim­mik ikin­ngutigiit­tar­put. Pif­fis­sangaatsiaq atorlugu iliuuseqarluar­nik­kullu inuk alla ilisarisimal­lualer­neqar­tar­poq. Inter­netik­kut attaveqaqatigiit­tarfinni inuit toorsilaar­nerin­nak­kut ‘kam­magineqalersin­naap­put’. Inuit inter­netik­kut qanor­piaq oqas­sanerlutik pilersaarusioq­qis­saarsin­naasaramikku inun­nillu allanit qanoq isigineqar­nis­samin­nik ilaatigut aqutsisin­naasaramik inut­tut qanoq ittor­piaaner­tik iser­toruminar­tit­tar­paat. Taamaat­tumik pitsaas­saaq kik­kut ‘kam­magisas­satut’ akuerisas­sanerlugit eqqarsaatigeq­qis­saaq­qaar­taraanni. Ilisarisimal­luan­ngisavit attaveqaqatigiit­tarfinni ilaanni ‘kam­magilerumap­patit’ aliatsatsik­kuman­ngiin­narlugu itigar­tin­nis­saa nangaas­sutigeqinagu. Ilaat navianar­torsiulerumanatik aalajangersimap­put attaveqaqatigiit­tarfin­nik taak­kunin­nga atuiniar­natik. Inter­netik­kut attaveqaqatigiit­tarfin­nik atuiniarlutit aalajangeruit suut eqqaamasariaqar­pigit?

ISIGINNAAGASSIAQ BRUGER DU DE SOCIALE MEDIER SMART? ISIGINNAARIARLUGU APEQQUTIT UKU AKIKKIT:

• 

  Oqaaseqarfigin­nin­ngin­ninni assimil­luun­niit ikkus­sin­ngin­ninni suut eqqarsaatigeq­qaar­tariaqar­pigit?

• 

  Inter­netik­kut ‘kam­magisas­san­nik’ toq­qaaniar­ninni sooq mianersor­tariaqar­pit?

• 

  Sooq pif­fis­samik inter­netik­kut attaveqaqatigiit­tarfin­nut atuk­kan­nik kil­liliisariaqar­pit? – Ef 5:15, 16