Internetikkut attaveqaqatigiinnerni mianersorit

SOOQ PINGAARUTEQARTOQ: Atortorissaarutitut allatulli internetikkut attaveqaqatigiinneq mianersorfissaqarpoq. Kristumiut ilaasa atorusunngikkaat allat tamakkuninnga atuinertik ajorineq ajorpaat. Diaavululli kissaatigaa internetikkut attaveqaqatigiinneq silatusaanngitsumik atussagipput, taamaaliornerli tusaamanerlugaalissutigisinnaavarput anersaakkullu ajoqutigalugu. Jiisusi ilaarlugu navianartut suussusersiumallugit Guutip oqaasiani najoqqutassiat atorsinnaavavut. – Luk 4:4, 8, 12.

MIANERSORFISSAT:

• Ingasaassilluni internetikkut attaveqaqatigiiffinnik sammisaqarneq. Nalunaaquttap-akunnerpassuini internetikkut attaveqaqatigiinneq anersaakkut ittunik sammisaqarfissaraluanik asuliinnartitsisinnaavoq

  Biibilimi najoqqutassiat: Ef 5:15, 16; Fil 1:10

• Ajoqutaasinnaasunik isiginnaarneq. Assit ilaannik isiginnaarneq pornografiinik isiginnaarnermik uerinermik kinguaassiuutitigulluunniit assuarnartuliornermik kinguneqarsinnaavoq. Tunussisuneersunik atuarneq uppernikkut ajoqutaasinnaavoq

  Biibilimi najoqqutassiat: Matt 5:28; Fil 4:8

• Oqaasertaliineq assinillu ikkussineq naleqqutinngitsut. Uummat tatigisassaannginnami inuk internetikkut naleqqutinngitsunik oqaasertaleeqqajaallunilu assinik ikkusseqqajaasarpoq. Taamaaliornerli tusaamanerlugaalersitsisinnaallunilu anersaakkut sanngiillisitsisinnaavoq

  Biibilimi najoqqutassiat: Rom 14:13; Ef 4:29

FILMI BRUGER DU DE SOCIALE MEDIER SMART? ISIGINNAARIARLUGU UKU QANOQ PINNGITSOORNEQARSINNAASUT EQQARTORSIGIT: