Biibilimiit atuffas­sinermik immiussat atorluar­tarpigit?

Biibilimiit atuffas­sinerit qanoq immiunneqartarpat? Nunarsuup nutaanngor­nissaanik nutsikkap atuagartaanik immiussat oqaatsini assigiin­ngitsorpassuarni tulleriiaarlugit saqqummersin­neqartarput. Biibilimi inuttaasut assigiin­ngitsut oqaasii inunnit assigiin­ngitsunit atuffas­sissutigineqartarput. Taamaattumik oqaluttuani pingaar­nersaasut misigis­sutsillu eqqorluartumik ersersin­neqartarput.

Biibilimiit atuffas­sinermik immiussat qanoq iluaqutigineqarsin­naappat? Inuppassuit immiussanik tusarnaar­tuartartut Biibilimi oqaluttuarineqartunik ilumut pisimasuittut isiginnin­nerulertarput. Biibilimi inuttaasut tamarmik immikkut immiussisoqar­tarmata oqaluttuat takorlooruminar­nerullutillu paasiuminar­nerusarput. (Us 4:5) Aamma inuit ilaasa annilaangagaangamik immiussanik tusarnaarnertik eqqissis­sutigisarpaat. – Ts 94:19.

Biibilimiit atuffas­sinernik tusarnaartarneq inuunitsinnut sunniuteqangaarsinnaavoq. (Na2 34:19-21) Biibilimiit atuffas­sinernik oqaatsini illit paasisin­naasanni immiussisoqarsimappat taakkuninnga tusarnaartarneq ileqqulius­sinnaaviuk?

ISIGINNAAGASSIAQ FREMSTILLING AF LYDUDGAVEN AF BIBELEN – UDDRAG ISIGINNAARIARLUGU APEQQUT UNA AKIUK:

Biibilimiit atuffas­sinermik immiussisoqar­tarnera pillugu suut nuannarivigit?