1 | Qinuneq – “Isumakuluutisi tamaasa taassumunnga miloriussigit”
BIIBILIMI ALLASSIMAVOQ: Guutip “isumassormasi isumakuluutisi tamaasa taassumunnga miloriussigit”. – PETRUSIMIT 1. 5:7.
Qanoq paasisariaqartoq
Jehovap Guutip eqqarsaatitsinni uummatitsinnilu nanertuutigisagut tamaasa imminut oqaatigeqqullugit kajumissaarpaatigut. (Tussiaat 55:23) Ajornartorsiutit annertuut annikitsulluunniit qinunikkut eqqaaneqarsinnaapput. Uagutsinnut pingaaruteqarpata aamma Jehovamut pingaaruteqarsimassapput. Qamuuna eqqissisimasuuniaraanni taassumunnga qinusarnissaq pingaaruteqarpoq. – Filippimiut 4:6, 7.
Qanoq iluaqutaasinnaasoq
Eqqarsartaatsikkut peqqiilliuuteqarutta kisimiittutut misigisinnaavugut. Imaassinnaavoq inuit allat atukkagut tamakkiisumik paasisinnaanngikkaat. (Ussatit 14:10) Qanoq-innerluta ilumoorluta Guutimut oqaluttuarigutsigu tusarnaarlutalu paasisinnaassavaatigut. Jehovap maluginiartarpaatigut, anniaateqarnerput akiugaqarnerpullu nalunngilai, kissaatigaalu ernumassutigisagut tamaasa imminut saqqummiutissagigut. – Nalunaarsuutit 2. 6:29, 30.
Jehovamut uummammiugut aniatikkaangatsigit upperinerulertarparput asagaatigut. Tussiaasiortutut ima qinusutut misigisinnaavugut: “Annikilliornera takoreerpat, annikilliuutinni ikiorparma.” (Tussiaat 31:8) Jehovap atukkagut nalunngikkai ilisimallugu ajornartorsiornitsinni oqilisaatigisinnaavarput. Atukkagulli maluginiaannarnagit aamma allanit tamanit paasinerusinnaavaatigut Biibilimilu tuppallersaatissatsinnik qiimmassaatissatsinnillu tunisinnaalluta.