Anersaakkut erlinnar­tuutinik atorsin­naasannik ujarlerit

Biibilimik atuartilluta misissueq­qissaarnermi anersaakkut erlinnartuutit nassaarisin­naavagut. Qanorli iluaqutigil­luarsin­naavagut?

Itisiliinermi Biibilimi oqaluttuat annikitsualut­tortaat maluginiartakkit. Assersuutigalugu kina allattuunersoq aamma kimut allannersoq qangalu allassimaneraa paasiniartakkit. Pissutsit qanoq ittuuppat, qanoq pisoqarsimava kingornalu qanoq pisoqarpa?

Ilinniagassartaa paasineqarsinnaavoq soorlu ima aperinikkut: ‘Atuakkanni inuit qanoq misigippat? Pissutsinik qanoq ittunik ersersitsippat? Sooq uanga pissutsit taama ittut ineriar­tortissavakka imaluunniit pissuserinaveersaas­savakka?’

Ilinniagassartai malikkit, immaqa oqaluus­sininni inuilluunniit allat ilagigaangakkit. Taamaalior­tarnikkut Jiisusip oqaasiisa ukua ilumoornerat misigissavat: “Maanna tamanna paasivarsi, pilluas­saasilu taamaaliorussi.” – Joh 13:17.

• Siunnersuut: Ulluinnarni ataatsimiinnermi Guutip oqaasiani erlinnar­tuutini sammineqartuni ilikkakkagut qanoq atorsin­naanerlugit paasinerusin­naavarput. Imminut apeqqutigisin­naasagut, eqqarsaatigeq­qissaagassagut assilissallu misissugassagut tassani sammineqartut iluaqutigil­luarsin­naavagut.