Biibili tarrarsuutitut eqqortumik atoruk

Ilinniartitap Jaakup Biibili tarrarsuummut, qamuuna inuttut qanoq ittuunitsinnik paasinnin­nissamut iluaqutigisin­naasatsinnut, assersuuppaa. (Jaak 1:22-25) Biibili tarrarsuutitut qanoq eqqortumik atorsin­naavarput?

Atuaqqis­saartaruk. Tarrarsupal­lakkutta immaqa aaqqitassaq takunngitsuus­savarput. Taamatuttaaq sutigut allannguisariaqar­nersugut paasiumallugu Biibili atuapal­laannarnagu atuaqqis­saartas­savarput.

Allat pinnagit illit aaqqitassatit isiginiartakkit. Tarrarsuut sangutilaarutsigu immaqa inuup allap tarraa aaqqitassaalu takussavagut. Taamatuttaaq Biibilimik atuarnitsinni eqqarsaatigilersoorsin­naavarput allat qanoq aaqqitas­saqartut. Tamannali nammineq aaqqitassatta aaqqinnis­saannut iluaqutiginavian­ngilarput.

Imminut piumaffigival­laaqinak. Tarrarsor­nitsinni nuannarin­ngisagut kisiisa maluginiarutsigit nikallorsin­naavugut. Guutip oqaasianik atuarnitsinni Jehovamit piumaffigineqarnerput sinnerlugu imminut piumaffigis­sanngilagut. – Tuss 103:14.