Jiisusip “naalanneq ilikkarpaa”

Jiisusi Jehovamut naalattuaan­narsimavoq. (Joh 8:29) Taava sooq Biibilimi allassimava ‘naalliun­nermigut naalanneq ilikkaraa’? – Hebr 5:8.

Nunarsuarmiin­nermini qilammi misigisiman­ngisaminik atugaqarpoq. Assersuutigalugu angajoqqaavi Jehovamik asannit­tuupput naammal­luinnan­ngitsuul­lutilli. (Luk 2:51) Oqartus­saasunit upperisarsior­nikkullu siuttunit ajortunit naalliutsitaavoq. (Mat 26:59; Mak 15:15) Aamma naalliulluni anniangaarlunilu toquvoq. Biibilimi ima allassimavoq: “Maniguulluni allaat toqussi … tikillugu naalappoq.” – Flp 2:8.

Tassa Jiisusi nunarsuarmiitilluni allatut naalattariaqarsimavoq. Taamaalilluni kunngitut palasiunertullu, uagutsinnik paasinnis­sinnaasutut, piukkun­narsilluinnarpoq. (Hebr 4:15; 5:9) Jiisusip naalliun­nermigut naalanneq ilikkaramiuk Jehovamut erlinnar­nerulerpoq. Jehovap aamma uagut ajornar­torsioraluarluta naalattuarutta naleqar­tinnerus­savaatigut suliassiis­sutinullu sunulluunniit atorsin­naalluta. – Jaak 1:4.