Jehovap tukkortuuneranut qujamasunnerit ersersiguk

JEHOVA Guutiuvoq tuk­kor­toq. (Jaak 1:17) Tuk­kor­tuunera pin­ngor­titaanit tamanit erser­poq. Avataarsua ul­loriar­pas­suar­nik nunarsuarlu naasor­pas­suar­nik ulik­kaarlugit pin­ngor­titsisimavoq. – Tuss 65:13, 14; 147:7, 8; 148:3, 4.

Jehovap pin­ngor­titar­pas­suinut qujamasun­nini kajumis­sis­sutigalugu Tus­siaat 104-mik al­lat­toq un­nersiutigin­nis­sum­mik taal­lior­poq. Tus­siaat taan­na atuaraangak­ku tus­siaasior­tutut qujamasut­tar­pit? Ima al­lap­poq: “Naalagaq erinarsorfigis­savara inuutil­lunga, Guutiga erinalim­mik un­nersiutigis­savara toqun­ngik­kal­lar­til­lunga.” (Tuss 104:33) Il­lit aam­ma taama misigisimavit?

TUKKORTULIORNEQ ASSEQANNGILLUINNARTOQ

Jehovap kis­saatigaa tuk­kor­tuunermisut tuk­kor­tuus­sasugut. Taamaat­tuunis­satsin­nul­lu pis­sutis­saqarluar­pugut. Jehovap apustili Paulusi isumas­sarsisil­lugu ima al­latsip­paa: “Silarsuarmi matumani pisuut peq­qusif­figis­savatit makitaniaq­qunagit pisuus­sutitil­luun­niit al­lan­ngujasut isumal­luutigeq­qunagit, isumal­luutigeq­qul­luguli Guuti pisariaqak­katsin­nik naam­mat­tunik tun­nius­sisoq. Peq­qusif­figis­savatit ajun­ngitsulioq­qul­lugit ajun­ngitsulianil­lu pisuus­suteqaq­qul­lugit, tuk­kusuujoq­qul­lugit inoqatimin­nul­lu tun­nius­sisaq­qul­lugit, katerseq­qul­lugil­lu pisuus­sutinik siunis­sami toq­qaviusin­naasunik ajun­ngitsunik inuunivik pigilersin­naaq­qul­lugu.” – 1 Tim 6:17-19.

Paulusi Korinthimiunut al­lak­kami aap­paan­ni nas­suiaavoq qanoq isigin­nit­taaseqarluta al­lanut tunisisas­sasugut. Ima al­lap­poq: “[Kinaluun­niit] tunisis­saaq uum­mam­migut aalajangiisimanermisut, pinaaser­nani pin­ngitsaalineqar­naniluun­niit; kajumit­tumim­mi tunisisoq Guutimit nuan­narineqar­tuuvoq!” (2 Kor 9:7) Paulusip aam­ma eq­qaavaa tuk­kor­tuuneq kik­kut iluaqutigis­sagaat: tigusisut, pisariaqar­titamin­nik tunineqarmata; aam­ma tunisisut, Jehovamit anersaak­kut pil­luaq­quneqarmata. – 2 Kor 9:11-14.

Taava Guutip tuk­kor­tuuneranut up­per­narsaat pingaar­ner­paaq eq­qarsaatigalugu Paulusi ima al­lap­poq: “Guuti qujanarsili tunis­sutini as­seqan­ngitsoq pil­lugu.” (2 Kor 9:15) Jehovap ‘tunis­sutaanut as­seqan­ngitsumut’ ilaap­put ajun­ngitsut tamarmik Jiisusi aq­qutigalugu tun­nius­sai. Tunis­sut taan­na nalis­saqan­ngilaq.

Jehovap Jiisusil­lu uagutsin­nut iliuuserisar­pas­suinut iliuuseriumaagaan­nul­lu tamanut qujamasun­ner­put qanoq ersersis­sin­naavar­put? Ilaatigut pif­fis­sat­ta, nukit­ta pisuus­sutit­talu Jehovamik pal­lorfigin­nin­nitsin­nut oqaluus­sinitsin­nul­lu ator­tar­nerisigut. Aap, amerlasuunik im­man­nguaan­narluun­niit pigisaqarut­ta taamaaliorsin­naavugut. – 1 Nal 22:14; 29:3-5; Luk 21:1-4.