“Qasusoq nakussatsittarpaa”

1. Ajor­nar­torsiutit akiuk­kat­ta ilaat suup­pat, aam­ma sooq Jehova kif­fami nuan­naarutiginis­saan­nut pis­sutis­saqar­pa? (Al­laaserisap aal­laq­qaataani as­sit takuk­kit).

SILARSUARMI maani inuuniar­neq imaan­naan­ngilaq. As­sersuutigalugu qatan­nguter­pas­suavut asasavut perulup­put. Ilaasalu ukioq­qor­tusereerlutik ilaqut­tatik utoq­qaat isumagisariaqar­paat. Al­lat ilaqut­tamik pisariaqar­titaat isumaginiarlugit ilungersor­tariaqar­put. Nalun­ngilar­pul­lu ilaasa ajor­nar­torsiutit taak­kua ilaat ataasiin­naq pin­nagu arlal­lil­li akiugarigaat. Taman­na pif­fis­samik, nukin­nik aningaasanil­lu atuinarsin­naavoq. Jehovap ikiorumaaraatit qularutigin­ngil­luin­nar­pat. Nalun­ngilam­mi pis­sutsit pitsan­ngorumaar­neran­nik neriorsuutaa piviusun­ngus­sasoq. Qular­nan­ngitsumik up­per­nerit Jehovap nuan­naarutigingaar­paa!

2. Esaja 40:29-mi qanoq kajumis­saar­neqar­pugut, qanorli kuk­korujus­suarsin­naavugut?

² Ilaan­nik­kut misigisar­pit ajor­nar­torsiutitit anigorsin­naanagit? Taamatut misigiguit kisimiin­ngilatit. Itsaq Guutip kif­faasa aalajaatsut ilaat aam­ma taamatut misigisar­put. (1 Kng 19:4; Job 7:7) Piner­tusaar­nis­samin­nut suna iluaqutigaat? Jehovamit nukis­saqalersin­neqar­nis­sar­tik tatigaat. Biibilimi al­las­simavoq Guutip ‘qasusoq nakus­satsit­taraa’. (Es 40:29) Ajoraluar­tumil­li ul­lumik­kut Guutip kif­faasa ilaat misigip­put inuunermin­ni ajor­nar­torsiutitik anigorsin­naajumal­lugit Jehovamut kif­far­torun­naaral­lar­niarlutik. Jehovamut kif­far­tor­neq pil­luaq­qus­sutitut isiginagu naner­tuutitut isigaat. Taamaam­mat Biibilimik atuar­tarun­naarlutik ataatsimiigiar­tarun­naarlutil­lu oqaluus­siun­naar­tar­put. Taman­nar­piaq Saatanip kis­saatigaa.

3. (a) Saatanimit san­ngiil­lisin­neqarumanata susariaqar­pugut? (b) Al­laaserisami matumani suut sam­mis­savavut?

³ Diaavulup nukit­tuujunis­sar­put kis­saatigin­ngilaa. Nalun­ngilaalu Jehovamut kif­far­tor­nitsin­ni ulap­puteqaraangat­ta nakus­satsit­tar­tugut. Taamaam­mat misigis­sutsik­kut timik­kul­lu qasoq­qagaangavit Jehova ungasil­linagu qanil­lisaruk. Biibilimi al­las­simavoq ‘najum­mil­lutil­lu nakus­satsis­sagaatit’. (1 Petr 5:10; Jaak 4:8) Al­laaserisami matumani Jehovap uagutsin­nik nakus­satsitsisin­naaneranik Esaja 40:26-31 al­las­simasut sam­mis­savavut. Taava Jehovamut kif­far­tor­nitsin­ni iliuuseqar­piarun­naas­sutigisin­naasavut marluk sam­mis­savavut, Biibilimilu najoq­qutas­siat piner­tusaar­nis­satsin­nut qanoq iluaqutigisin­naanerlutigit eq­qar­torlugu.

JEHOVAMIK NERIUFFIGINNITTUT NUTAANIK NUKINISSAPPUT

4. Esaja 40:26-mit suna ilin­niarfigisin­naavar­put?

⁴ Esaja 40:26 atuaruk. Avataarsuani ul­loriar­pas­suit tamaasa kialuun­niit kisis­sin­naan­ngilai. Galaksemi inuuf­figisatsin­niin­naq ul­loris­sat ilisimatuunit 400 mil­liardiusorineqar­tar­put. Jehoval­li ul­loris­sat tamaasa im­mik­kut ateqar­tip­pai. Taman­na Jehova pil­lugu sumik ilin­niarfigaar­put? Ul­loris­sat uumas­suseqan­ngitsut im­mik­kut nam­mineq soqutigigunigit il­lit qanoq isumaqarfigineraatit takorlooruk! Il­lit kif­far­tuup­pat imaan­ngitsoq pin­ngitsaalisaagavit, asagak­kuli kif­far­tuup­pat. (Tuss 19:2, 4, 15) Asasat­ta Ataatat­ta il­lit pil­lutit suut tamaasa nalun­ngilai. Biibilimi al­las­simavoq ‘nutsatil­luun­niit tamaasa kisis­simagai’. (Matt 10:30) ‘As­suar­naatsut ul­lui ilisimagini’ paasis­sagit kis­saatigaa. (Tuss 37:18, tastamantitoĸaĸ) Aap, ajor­nar­torsiutitit tamaasa Jehovap ilisimavai, tamaasalu naam­magalugit atorsin­naaq­qul­lugit pisariaqar­titan­nik Jehovap nakus­satsis­sin­naavaatit.

5. Jehovap nakus­satsis­sin­naagaatigut qanoq nalun­ngilar­put?

⁵ Esaja 40:28 atuaruk. Jehova nukin­nik tamanik pilersitsisuuvoq. As­sersuutigalugu seqinit­ta nukik pilersit­tagaa eq­qarsaatigiuk. Ilisimatusar­nermik al­laatigin­nit­tar­toq David Bodanis al­lap­poq atombombit mil­liardil­lit qaar­nerisa sak­kor­tus­susaat­tut nukik atsigisoq seqer­ngup sekundit tamaasa pilersit­taraa. Ilisimatuup al­lap mis­singer­paa seqer­ngup nukik sekundimi ataatsimiin­naq pilersitaa inun­nut tamanut nunarsuaq tamak­kerlugu ukiuni 200.000-ni naam­mat­tumik in­naal­lagiaqar­titsisin­naasoq! Aap, Jehovap seqinermik nukis­saqalersitsisup ajor­nar­torsiutit­ta naam­magalugit ator­nis­saan­nut naam­mat­tumik nakus­satsis­sin­naavaatigut!

6. Sooq Jiisusip ersuutaa iluar­pa, taman­nalu uagutsin­nut qanoq sun­niuteqar­tar­pa?

⁶ Esaja 40:29 atuaruk. Jehovamut kif­far­tor­neq nuan­naangaalis­sutigisar­par­put. Jiisusip ajoqersuk­kani ima oqarfigai: “Ersuutiga ersus­siuk.” Imalu nangip­poq: “Taava nukis­saqalis­saasi. Ersuutigami iluaqaaq ersutaralu oqeqaluni.” (Matt 11:28-30, NW) Taman­na ilumuungaarami! Ilaan­nik­kut as­sut qasul­luta ataatsimiigiar­tar­pugut oqaluus­siar­torlutaluun­niit. Angerlaraangat­tali qanoq misigisar­pugut? Nukis­saqaleq­qit­tar­pugut ajor­nar­torsiutit­talu naam­magalugit ator­nis­saan­nut piareersimanerulerluta. Ilumut Jiisusip ersuutaa iluaqaaq.

7. Mat­thæusi 11:28-30-imi al­las­simasut ilumoor­neran­nik misigisamik eq­qaasaqarit.

⁷ Ar­naq qatan­ngutit­ta ilaat nakorsar­neqarsin­naan­ngitsumik qasoq­qanermik nap­paateqar­poq. Aam­ma isumatsaq­qasarlunilu niaqorlorujus­suar­tar­poq. Taamaat­tumik ataatsimiigiar­nis­sani ilaan­nik­kut ajor­nar­tit­tar­paa. Ilaan­nili ataatsimiigiar­niarluni im­minut piumaf­figereerluni ima al­lap­poq: “Oqalugiaat nikal­lunganermut tun­ngavoq. Misigin­neqataal­luni isumas­suil­lunilu paasis­sutis­sanik saq­qum­mius­sim­mat qul­lilivunga. Ataatsimiin­ner­nik pisariaqar­titsinin­nik eq­qaasin­neqar­punga.” Ataatsimiigiar­niarluni iliuuseqarsimanini nuan­naarutigingaar­paa!

8, 9. Paulusip suna pivaa oqarami ‘san­ngiit­taraangami pis­satsit­tarluni’?

⁸ Esaja 40:30 atuaruk. Pigin­naasar­pas­suaqaraluarluta nam­mineq iliuuserisin­naasavut kil­leqar­put. Taman­na ilin­niagas­saavoq tamat­ta paasisariaqagar­put. Apustilip Paulusip pigin­naasar­pas­suaqaraluarluni iliuusererusutani tamarluin­naasa naam­mas­sisin­naan­ngilai. Paulusip qanoq misigaluni oqalut­tuum­mani Jehova ima oqar­poq: ‘Pis­saanera san­ngiis­sutsimi naam­matsit­tar­poq.’ Jehovap oqaasii Paulusip paasigamigit ima al­lap­poq: ‘San­ngiit­taraangama pis­satsit­tar­punga.’ (2 Kor 12:7-10) Sunaana pigaa?

⁹ Nam­mineq pisin­naasami kil­leqar­nerat Paulusip paasivaa. Im­minit nukit­tunerujus­suarmit ikior­neqar­tariaqar­poq. San­ngiitsutut misigigaangami Guutip anersaava il­ler­nar­toq nukis­saqalis­sutigisin­naavaa. Tamatumalu saniatigut Paulusip nam­mineerluni iliuuserisin­naan­ngisani Guutip anersaava nukit­toqutigalugu naam­mas­sisin­naavai. Aam­ma uagutsin­nut tun­ngatil­lugu taamaap­poq. Jehovap anersaaminik il­ler­nar­tumik tunigaangatigut pis­satsin­neqangaar­tar­pugut!

10. Daavip ajor­nar­torsiutini naam­magalugit ator­nias­sam­magit Jehovap qanoq ikior­paa?

¹⁰ Tus­siaasior­toq Daavi Guutip anersaavanit nakus­satsin­neqar­tar­toq ima erinarsor­poq: “Il­lit ikiuinik­kut qarmat saas­sup­pak­ka, Guutima ikiuineragut qarmaliat qulaal­lugit pis­sil­lunga.” (Tuss 18:30) Ilaan­nik­kut ajor­nar­torsiutivut qarmatut majuarfigineqarsin­naan­ngitsutut is­sin­naap­put. Jehovamit ikior­neqar­nis­sar­put pisariaqar­tip­par­put.

11. Ajor­nar­torsior­nitsin­ni anersaaq il­ler­nar­toq qanoq iluaqutigisar­par­put?

¹¹ Esaja 40:31 atuaruk. Nat­toralik nam­mineq nukini kisiisa atorlugit aarsaar­neq ajor­poq. Anori kis­sar­toq iluaqutigalugu qul­larsar­tar­poq. Taamaalil­luni nat­toralik isorar­tuumik tim­misin­naal­lunilu nukini sipaar­tar­pai. Anigoruminaatsumik ajor­nar­torsiuteqaraangavit nat­toralik eq­qarsaatigisaruk. Jehova qin­nuigiuk anersaamik il­ler­nar­tumik ikiuisumik tuneq­qul­lutit. (Joh 14:26) Jehova anersaaminik tuneq­qul­luta qaquguk­kul­luun­niit, un­nuaagaluar­pat ul­luk­kuugaluar­pal­luun­niit, qin­nuigisin­naavar­put. Ilagiin­ni qatan­ngutit ilaat isumaqatigiin­ngis­suteqarfigigaangatsigu pingaar­tumik Jehovamut ikioq­qunis­sar­put pisariaqar­tit­tar­par­put. Isumaqatigiin­ngis­sutil­li sooq pilersar­pat?

12, 13. (a) Sooq kristumiut isumaqatigiin­ngis­suteqalersin­naap­pat? (b) Josefip inuuneranit Jehova pil­lugu suna ilik­kar­par­put?

¹² Tamat­ta naam­mal­luin­nan­ngitsuugat­ta isumaqatigiin­ngit­toqaler­tar­poq. Al­lat iliuusaat oqaasiilu ilaan­nik­kut paamitsaatigisarsin­naavavut, al­lanil­luun­niit paamitsaan­neqarsin­naavugut. Taman­na misilin­neqaataangaarsin­naagaluar­toq Jehovamik ilumoorfigin­nin­nermik ersersitsinis­samut periarfis­saavoq. Qanoq? Qatan­ngutitsin­nik ataasius­suseqarluta kif­far­tor­nerup ilin­niar­neratigut. Taak­ku naam­mal­luin­nan­ngitsuugaluar­tut Jehovap asavai, aam­ma uagut asasariaqar­pavut.

¹³ Josefip inuuneranit nalun­ngilar­put Jehovap kif­fami misilin­neqar­tar­nis­saat akuerisaraa. Josefi inuusut­tuaraal­luni af­farmik qatan­ngutiminit sin­ngagineqarluni inus­siatut tunineqar­poq Egyptenimul­lu aal­larun­neqarluni. (1 Mos 37:28) Susoqar­toq Jehovap takusin­naal­luar­paa ikin­ngutinilu Josefi kif­fani aalajaatsoq qanoq ajor­tigisumik pineqar­toq takul­lugu aliasuutigisimas­sal­lugu. Jehoval­li taman­na pitsaalin­ngilaa. Aam­ma kingusin­nerusuk­kut Josefi Potifarip nulianik pin­ngitsaaliil­luni ar­nerin­nin­niar­tutut un­nerluutigineqarluni paar­naarus­saam­mat Jehovap Josefi aniguisin­ngilaa. Josefili Guutimit qiman­neqar­pa? Naamik. Biibilimi al­las­simavoq ‘Jehovap Josefi najoraa suliarisaanil­lu iluatsitsisit­tarlugu’. – 1 Mos 39:21-23.

14. Kaman­naveersaar­neq qanoq iluaqutigisar­par­put?

¹⁴ As­sersuutigisin­naasar­put al­la tas­saavoq Daavi. Inuit amerlanerit Daavitul­li ajor­tigisumik pineqar­nikuun­ngil­lat. Guutimul­li ikin­ngutaasoq taan­na kamarujus­sualin­ngilaq. Ima al­lap­poq: “Kamannaveersaarniarit uumitsat­tarun­naarlutil­lu, narrutsan­naveerit taman­na ajunaarutaagin­nar­tus­saam­mat.” (Tuss 37:8) ‘Kaman­naveersaar­nis­samut’, imaluun­niit kamak­kun­naar­nis­samut, pis­sutis­saq pingaar­ner­paaq tas­saavoq Jehovamik ilaarserusun­ner­put. Taas­sumami “iliorfigin­ngilaatigut ajor­tuliat­ta nalis­saan­nik”, isumak­keerfigaatigul­li. (Tuss 103:10) Kamak­kun­naar­nis­samut aam­ma al­lanik pis­sutis­saqarluar­poq. As­sersuutigalugu kaman­neq aap naqitsineranik qaf­fasip­pal­laalersitsisar­poq anersaar­tor­nermul­lu ajoquteqalersitsisarluni. Tinguk aqajaq­qul­lu sanilequtaani qinerseq ajoquser­neqarsin­naap­put naal­lu nerisanik arror­titsisar­nera akor­nuser­neqarsin­naal­luni. Aam­ma kamak­kaangat­ta iluamik eq­qarsarsin­naaneq ajor­pugut. Al­lanut ajual­lan­nar­tunik oqaaseqarlutaluun­niit iliuuseqarsin­naavugut taman­nalu sivisuumik nikal­lungas­sutigisin­naal­lutigu. Eq­qis­sisimaan­nar­nis­saq ajun­ngin­nerujus­suuvoq. Biibilimi al­las­simavoq ‘uum­mat eq­qis­sisimasoq timip inuus­sutigigaa’. (Uss 14:30, The Holy Bible – New International Version) Taava al­lanit ajual­latsin­neqarut­ta qanoq iliorsin­naavugut, qatan­nguter­pul­lu qanoq eq­qis­seqatigisin­naavar­put? Biibilimit siun­nersuutitsialam­mik maleruaasin­naavugut.

QATANNGUTITSINNIT PAKATSISINNEQARUTTA

15, 16. Ajual­latsin­neqarut­ta sus­saagut?

¹⁵ Efesosimiut 4:26 atuaruk. Jehovamut kif­far­tor­tuun­ngitsunit ajor­tumik pineqaraangat­ta tupaal­laatigineq ajor­par­put. Up­peqatitsin­nil­li ilaqut­tatsin­nil­luun­niit ajual­latsin­neqarut­ta aliatsaq­qangaarsin­naavugut. Pisormi puiorsin­naan­ngik­kutsigu? Sivisuumik, al­laat im­maqa ukior­pas­suar­ni, kamaq­qajuas­saagut? Imaluun­niit aaq­qiagiin­ngin­ner­nik aaq­qiipal­lat­tar­nis­samik siun­nersuutitsialak Biibilimeersoq malis­savar­put? Inuup taas­suma oqaloqatigin­ngin­nera sivitsoriar­tor­til­lugu eq­qis­seqatigiin­nis­sar­put ajor­nar­neruleriar­tus­saaq.

¹⁶ Taavami qatan­ngum­mit ajual­latsin­neqar­nerit eq­qarsaatigiuaruk­ku? Eq­qis­seqateqarumal­lutit susin­naavit? Siul­ler­tut, Jehovamut qinusin­naavutit. Qatan­ngutit oqaloqatigil­luarumal­lugu ikioq­qul­lutit qin­nuigiuk. Qatan­ngutivit Jehovamut aam­ma ikin­ngutaanera eq­qaamajuk. (Tuss 25:14) Guutip asavaa. Jehovap ikin­ngutini inus­siar­nisaarfigisar­pai, aam­ma uagut taamaalior­nis­sar­put naatsorsuutigaa. (Uss 15:23; Matt 7:12; Kol 4:6) Aap­paat­tut, qatan­ngutin­nut oqaasis­satit eq­qarsaatigeq­qis­saak­kit. Isum­mipal­las­san­ngilatit piaaraluni ajual­latsik­kaatit. Imaas­sin­naavoq kuk­kusoq pis­sutsil­luun­niit paatsoorsimagitit. Ajor­nar­torsium­mut pisooqataasin­naanerit nas­suerutigeriaan­naas­savat. Oqaloqatigiin­neq im­maqa imatut aal­lar­tis­sin­naavat: “Imaas­sin­naavoq misik­karis­suugin­nar­tunga, ip­pas­sarli oqaluuk­kam­ma misigaanga ...” Oqaloqatigiin­neq qatan­ngutin­nik eq­qis­seqateqar­nermik kinguneqan­ngip­pat misiliiuarit. Qatan­ngutit qin­nut­taruk. Jehovamit pil­luaq­quneqar­nis­saa qin­nutigiuk taas­sumalu pis­susii nuan­nersut isiginiar­nerujumal­lugit ikioq­qul­lutit. Qatan­ngutin­nik, Jehovap ikin­ngutaasa ilaan­nik, eq­qis­seqateqarumal­lutit iliuutsitit Jehovap iluariumaarai ilimagil­luin­narsin­naavat.

ILERASUUTEQARTUARUTTA

17. Ajor­tuliorsimatil­luta Jehovap im­minut at­taveqarlualeq­qul­luta qanoq ikior­tar­paatigut, aam­ma sooq ikiuinera akuerisariaqar­par­put?

¹⁷ Ilaat ingasat­tumik ajor­tuliorsimaner­tik pis­sutigalugu Jehovamut kif­faanis­samut ajuk­kut­tutut misigisar­put. Ilerasuk­kut­ta eq­qis­siun­naarluta, nuan­naarun­naarlutalu nukis­saarus­sin­naavugut. Kun­ngi Daavi ilerasun­nermik akiugaqarluni ima al­lap­poq: “Nipangiin­narama timiga taroriar­tor­poq anersaarulun­nin­ni ul­loq tamaat. Naner­tungaarmanga as­savit ul­luk­kul­lu un­nuak­kul­lu.” Qujanar­tumil­li angutitut, anersaak­kut it­tunik pingaar­titsisutut, iliuuseqar­nis­saminut Daavi sapiis­suseqar­poq. Ima nangip­poq: “Ajor­tulian­nik an­ngiiarfigaak­kit ... ajor­tulian­nil­lu isumak­keerfigaarma.” (Tuss 32:3-5) Ingasat­tumik ajor­tuliorsimaguit Jehova ilin­nik isumak­keerfigin­nin­nis­saminut piareersimavoq. Im­minut at­taveqarluaq­qiler­niar­nin­ni ikiorusuppaatit. Taas­sumali utoq­qaaner­tat aq­qutigalugit ikiuerusun­nera akuerisariaqar­pat. (Uss 24:16; Jaak 5:13-15) Taamaam­mat utaq­qiin­naqinak, naas­saan­ngitsumim­mi inuunis­sat pineqar­poq! Ajor­tulior­nivil­li isumak­keerfigineqareer­neraniit pif­fis­saq sivisooq ingerlareersoq suli ilerasuk­kuit sus­savit?

18. Jehovamut kif­faanis­samut ajuk­kut­tut Paulusip maligas­siaa qanoq iluaqutigisin­naavaat?

¹⁸ Apustilip Paulusip ajor­tuliarisimasani ilaan­nik­kut nikal­lungas­sutigisar­pai. Ima al­lap­poq: “[Uanga] apustilinit tamanit nikanar­nersaavunga apustilimik taaneqar­nermut qin­ngaq­qun­narlunga, Guutip ilagiis­sai qinugisimagak­kit.” Taamaat­toq ima nangip­poq: “Guutil­li saam­maan­neragut taannaavunga, soorlu ittunga.” (1 Kor 15:9, 10) Jehovap nalun­ngilaa Paulusi naam­mal­luin­nan­ngitsuusoq. Qanorli it­tuunera akueraa inut­taatalu tamatumin­nga ilisiman­nin­nis­saa kis­saatigalugu. Iliuuserisimasatit qaman­nga pisumik ajuusaarutigiguk­kit Jehovamul­lu oqalut­tuarisimal­lugit, pisariaqar­pal­lu aam­ma utoq­qaaner­tanut, Jehovap isumak­keerfigerusus­savaatit. Jehovamit isumak­keerfigineqar­nerit up­periuk isumak­keerfigin­nin­neralu akueralugu! – Es 55:6, 7.

19. Suna 2018-imi ukiumut al­las­simaf­fiua, aam­ma sooq naleq­qup­pa?

¹⁹ Naggatis­samut qanil­liar­tor­til­luta suli ajor­nar­torsiuteqar­neruler­nis­sar­put ilimagisin­naavar­put. Eq­qaamas­saval­li Jehovap, ‘qasusumik nakus­satsitsisarlunilu nukil­laangasumik pis­satsitsisar­tup’, kif­far­tor­tuaq­qul­lutit pisariaqar­titan­nik sumil­luun­niit tunisin­naagaatit. (Es 40:29; Tuss 55:23; 68:20) 2018-ip ingerlanerani ilumoor­tumik tamatumin­nga eq­qaasin­neqar­tas­saagut naalagaaf­filersaarfitsin­ni ataatsimiin­nerit tamaasa ukiumut al­las­simaf­fik una takugaangatsigu: ‘Jehovamik neriuffiginnittut nutaanik nukinissapput.’ – Es 40:31.