“Pisiariniaruk sallusuissuseq, akigeqinagulu”

1, 2. (a) Inuunitsin­ni suna naleqar­ner­paava? (b) Sal­lusuis­sutit suut erlin­nar­tutut isigaavut, aam­ma sooq? (Al­laaserisap aal­laq­qaataani as­siliat takuk­kit).

IL­LIT inuunin­ni suna naleqar­ner­paava? Jehovap in­nut­taatut taas­sumun­nga at­taveqar­ner­put inuunitsin­ni naleqar­ner­paavoq. Sumil­luun­niit taarsin­ngisaan­nas­savar­put. Aam­ma sal­lusuis­sut Biibilimeersoq pis­sutigalugu Jehovamut ikin­ngutaalersin­naagat­ta sal­lusuis­sut uagutsin­nut naleqar­poq. – Kol 1:9, 10.

² Jehova tas­saavoq uagutsin­nik Ajoqersuisorsuaq, oqaatsimini, Biibilimi, sal­lusuis­suter­pas­suar­nik erlin­nangaar­tunik ilin­niar­titsiser­put. Atermi pingaaruteqar­neranik ilin­niar­tip­paatigut pis­susinilu nuan­nersut pil­lugit oqalut­tuul­luta. Oqalut­tuup­paatigut­taaq asangaaramisigut Er­nermi asasami inuunera uagut pil­luta tun­niuk­kini. Naalagaaf­fik Mis­siarsimit kun­ngiuf­figineqar­toq pil­lugu oqalut­tuup­paatigut. Siunis­samut neriuutis­sip­paatigut, tanitat qilaliar­nis­samik ‘saval­lu al­lat’ nunami paratiisiusumi inuunis­samik. (Joh 10:16) Qanoq inuus­sanersugut ilin­niar­tip­paatigut. Pin­ngor­titsisitsin­nut qanil­linis­samut iluaqutigigatsigit inuunitsin­nil­lu siuner­taqalersitsim­mata sal­lusuis­sutit taak­ku erlin­nar­tutut isigaavut.

3. Jehovap sal­lusuis­sut aningaasanik akileq­quaa?

³ Jehova Guutiuvoq tuk­kusooq. Tuk­kungaarami al­laat nam­mineq Er­ni uagut pil­luta pil­liutigaa. Takusin­naagaangamiuk sal­lusuis­sum­mik ujarler­toqar­toq taan­na ikior­tar­pai. Sal­lusuis­sum­mik ilin­niar­nitsin­ni aningaasanik qaquguluun­niit akileeq­qunavian­ngilaatigut. Itsaq angutip Siimuumik atil­lip anersaamik il­ler­nar­tumik al­lanut tun­nius­sinis­saminut pigin­naaneqarumal­luni apustili Petrusi aningaasanik akilerumavaa. Petrusip Siimuup eq­qarsar­taasia eq­qun­ngin­ner­paa imalu oqarluni: “Qanor­toq sølviutitit suujun­naarlit il­lil­lu ilan­ngul­lutit, isumaqaravit Guutip tunis­sutaa aningaasanik pisiarisin­naal­lugu.” (ApS 8:18-20) Sal­lusuis­sutip ‘pisiarinera’ qanormita paasisariaqar­pa?

SALLUSUISSUTIP ‘PISIARINERA’ QANOQ PAASISARIAQARPA?

4. Al­laaserisami matumani sal­lusuis­sut pil­lugu suna paasis­savar­put?

⁴ Ussatit 23:23 atuaruk. Sal­lusuis­sut Biibilimeersoq ilin­nias­sagutsigu ilungersor­tariaqar­pugut pil­liuteqar­tariaqarlutalu. ‘Sal­lusuis­sut pisiarereerutsigu’, tas­sa ilin­niareerutsigu, qaqugumul­luun­niit ‘akigin­ngin­nis­saa’, tas­sa an­naan­ngin­nis­saa, eq­qumaf­figisariaqar­par­put. Sal­lusuis­sut Biibilimeersoq qanoq ‘pisiarisin­naavar­put’? Qanoq akeqar­pa? Apeq­qutit taak­kua akis­sutaat sal­lusuis­sum­mik pingaar­titsinerulis­sutigis­savavut an­naan­ngisaan­nar­nis­saanil­lu aalajangiusiman­nin­nerulis­sutigalugit. Sal­lusuis­sutip Jehovameersup sumil­luun­niit naleqar­nerunera paasis­savar­put.

5, 6. (a) Sal­lusuis­sut aningaasat ator­nagit qanoq pisiarisin­naavar­put? Nas­suiaruk. (b) Sal­lusuis­sut qanoq iluaqutigaar­put?

⁵ Sumil­luun­niit akeqan­ngitsumik piumasoq pil­liuteqarsin­naasariaqar­poq. Us­satit 23:23-mi hebræerit oqaasiat “pisiariniaruk”-mik nutser­neqar­toq aam­ma “pis­sarsiariniaruk”-mik nutser­neqarsin­naavoq. Oqaatsini taak­kunani marlun­ni erser­poq inuk arlaan­nik nalilim­mik piumasoq pil­liuteqar­tariaqar­toq. Sal­lusuis­sut qanoq pisiarisin­naagip­put paasiumal­lugu as­sersuusioriar­ta. Takorlooruk aq­qusinermi ima al­lagar­tarsuaqar­toq: ‘Bananit akeqan­ngitsut.’ Bananit angerlarsimaf­fitsin­niileriataar­tut naatsorsuutigisin­naavar­put? Naagga, aasariaqar­pavut. Tas­sa bananit akeqan­ngik­kaluar­tut pis­sarsiariumal­lugit iliuuseqar­tariaqar­pugut. Aam­ma sal­lusuis­sut ilin­niarumal­lugu aningaasanik akiliisariaqan­ngik­kaluarluta iliuuseqar­tariaqar­pugut pil­liuteqarlutalu.

⁶ Esaja 55:1-3 atuakkit. Versini taak­kunani sal­lusuis­sutip pisiarinera qanoq isumaqar­toq paaseq­qul­lugu Jehovap ikior­paatigut. Jehovap sal­lusuis­sut imermut, im­mum­mut viin­nimul­lu as­sersuup­pai. Inuup imerusut­tup imeq nil­ler­toq inuum­maris­saatigisar­paa, taamatut­taaq sal­lusuis­sut inuum­maris­saataasar­poq. Aam­ma meeq­qap im­muk al­liar­tus­sutigalugulu nakus­satsis­sutigisar­paa, taamatut­taaq sal­lusuis­sut Biibilimeersoq Jehovamut at­taveqar­nitsin­nik nakus­satsitsisar­poq. Jehovap aam­ma viin­ni oqaatsiminut as­sersuup­paa. Sooq? Biibilimi al­las­simavoq viin­ni inun­nik nuan­naalersitsisar­toq. (Tus­s 104:15) Tas­sa Jehovap ‘viin­niseq­qugamisigut’ paasitip­paatigut taas­suma siulersuinera maleruarutsigu pil­luas­sasugut. (Tus­s 19:9) Jehova taama as­sersuusior­poq paasitin­niarluta sal­lusuis­sut ilin­niarlugulu maleruarutsigu qanoq iluaqutigis­sagip­put. Maan­na sal­lusuis­sutip pisiarinerani akiliutigisin­naasavut tal­limat sam­mis­savavut.

SALLUSUISSUT PISIARIUMALLUGU SUUT PILLIUTIGAAGIT?

7, 8. (a) Sooq sal­lusuis­sut ilin­nias­sagutsigu pif­fis­saqar­tariaqar­pugut? (b) Biibilimik atuaq­qis­saar­tar­tup suna pil­liutigaa, qanorlu kinguneqar­tumik?

⁷ Piffissaq. Guutip naalagaaf­fiata tusarlius­saanik tusar­naar­neq, Biibilimik Biibililersaarutinil­lu atuar­neq, Jehovap Nalunaajaasuinit Biibilimik atuaq­qis­saaqatigineqar­neq, ataatsimiin­nis­saan­nut piareersar­neq ataatsimiigiar­tar­nerlu pif­fis­sar­tor­nar­put. Tamak­ku tamaasa pif­fis­saqarfigis­sagutsigit iliuuserisar­tak­kat pingaaruteqan­ngin­nerusut pif­fis­sakif­figinerusariaqar­pavut. (Efesosimiut 5:15, 16 atuakkit). Sal­lusuis­sutit tun­ngaviusut Biibilimeersut ilin­nias­sagaan­ni qanoq sivisutigis­sava? Inum­miit inum­mut as­sigiin­ngilaq. Jehovap ilisimas­susia, aq­qutigeq­qusai iliuuserisimasaalu pil­lugit ilin­niarsin­naasavut kil­leqan­ngil­lat. (Rom 11:33) Napasuliaq Alapernaarsuiffik-mi saq­qum­mersumi siul­lermi sal­lusuis­sut “naasumut mikisun­nguamut” as­sersuun­neqar­poq imalu al­las­simal­luni: “Sal­lusuis­sutip naasua ataaseq naam­mageqinagu. Ataaseq naam­mas­simagaluar­pat al­lanik naasoqarsimas­san­ngik­kaluar­poq. Naasunik katersuiuarit, al­lanik ujaasigit.” Tas­sa im­minut ima aperisin­naavugut: ‘Jehova pil­lugu qanoq ilik­kagaqar­tigaanga?’ Naas­saan­ngitsumil­luun­niit inuugaluarut­ta Jehova pil­lugu ilik­kagaqar­tuaan­narsin­naas­saagut. Maan­nak­kul­li pingaaruteqar­poq sapin­ngisar­put tamaat taan­na pil­lugu ilin­niar­nis­samut pif­fis­saqar­nis­sar­put. Taamaaliorsimasoq as­sersuutigisin­naavar­put.

⁸ Mariko,a ar­naq inuusut­toq ilin­niariar­torluni Japanimiit New Yorkimut nuup­poq. Ilaan­ni angerlarsimaf­fim­mini ar­namit pionerimit nutaarsias­saq nuan­nersoq pil­lugu oqalut­tuun­neqar­poq. Up­perisaqareeraluarluni Nalunaajaasumit taas­suman­nga Biibilimik atuaq­qis­saaqatigineqar­taler­poq. Ilik­kak­kani nuan­naringaaramigit sapaatip-akun­neranut marloriarluni atuaq­qis­saar­tarumavoq. Ul­lup ilaa sulisarami ilin­niar­nerminilu ulapik­kaluarluni ilagiit ataatsimiit­tar­nerinut ingerlaan­naq ataatsimiigiar­taler­poq. Sal­lusuis­sum­mik ilin­niar­nermut pif­fis­saqar­nerujumal­luni aliik­kusersor­nermut pif­fis­saq an­nikin­nerusoq ator­taler­paa. Taamatut pil­liuteqarami Jehovamut qanil­liar­tuin­nar­poq, ukiorlu ataaseq qaangiutin­ngitsoq kuisip­poq qaam­matil­lu arfinil­lit qaangiut­tut 2006-imi pionerin­ngorluni. Sulilu ul­lumik­kut pioneriuvoq.

9, 10. (a) Sal­lusuis­sut paasigatsigu nunap pii pil­lugit misigis­sutsivut qanoq al­lan­ngor­pat? (b) Ar­naq inuusut­toq sumik pil­liuteqar­pa, taman­nalu pil­lugu qanoq misigiva?

⁹ Nunap pii. Sal­lusuis­sut ilin­niarumal­lugu silarsuarmi matumani sulif­figis­saar­neq angusaris­saar­nerlu pil­liutigisariaqarsin­naavavut. As­sersuutigalugu Petrusi Andreasilu aalisar­tuup­put, ajoqersugan­ngoq­qul­lutil­li Jiisusimit kajumis­saar­neqaramik aalisar­tuujun­naar­put. (Matt 4:18-20) Soorunami ul­lumik­kut sal­lusuis­sum­mik ilin­niar­tut amerlanerit sulif­fim­min­nit soraagin­narsin­naan­ngil­lat. Ilaqut­tat pilersorumal­lugit sulif­feqar­tariaqar­poq. (1 Tim 5:8) Sal­lusuis­sul­li ilik­karak­ku nunap piinut tun­ngasut pil­lugit eq­qarsar­taatsit al­lan­ngor­tip­pat. Inuunermi suna pingaaruteqavin­nersoq paasivat. Jiisusi ima oqaaq­qis­saarivoq: “Erlin­nar­tuutinik nunami katerseqinasi.” Imalu kajumis­saarivoq: ‘Qilam­mi katersigitsi erlin­nar­tuutinik.’ (Matt 6:19, 20) Ar­naq inuusut­toq Mariamik atilik taamaalior­poq.

¹⁰ Mariap niviarsiaraagal­laramili golfer­neq nuan­naraa. High school-imi (atuar­tuni an­ner­ni) atuar­tuutil­lugu golfer­neq pik­korif­figil­luaraa malugineqarmat universitetimi ilin­nialersin­naaq­qul­lugu akiliun­neqar­poq. Mariap golfer­neq inuus­sutis­sarsiutigalugu pisuun­ngor­nis­sani siuner­taraa. Taava Biibilimik atuaq­qis­saar­taler­poq. Ilik­kak­kani nuan­narai inuunerminilu malerualerlugit. Ima oqar­poq: “Isigin­nit­taasera inooriaaseralu Biibilimi najoq­qutas­sianut naleq­qus­sar­til­lugit pil­luar­nerujar­tor­punga.” Mariap paasivaa Jehovamut at­taveqar­nini timersor­nermil­lu inuus­sutis­sarsiuteqar­neq ataatsik­kut pingaar­tis­sin­naanagit. (Matt 6:24) Taamaat­tumik golfimik inuus­sutis­sarsiuteqar­niar­nini siuner­tariun­naar­paa. Maria ul­lumik­kut pioneriuvoq, oqar­porlu taman­na “pil­luar­nar­ner­paajul­lunilu nalerisimaar­nar­ner­paasoq”.

11. Sal­lusuis­sut ilik­karatsigu al­lanut at­taveqar­ner­put susin­naava?

¹¹ Allanut attaveqarneq. Ilik­kak­kavut Biibilimeersut malerualeraangatsigit ikin­ngutitsin­nut ilaqut­tatsin­nul­lu at­taveqar­ner­put al­lan­ngorsin­naavoq. Tamatumun­nga pis­sutaasoq paaseq­qul­lugu Jiisusip ajoqersuk­kani pil­lugit ima qinuvoq: “Sal­lusuis­sutik­kut il­ler­narsisik­kit; oqaatsitit sal­lusuis­sutaap­put.” (Joh 17:17) “Il­ler­narsisik­kit” isumaqarsin­naavoq “im­mik­koor­tik­kit”. Najoq­qutas­siat Biibilimeersut malerualeratsigit silarsuarmit im­mik­kuuler­pugut. Ikin­ngutitsin­nut ilaqut­tatsin­nul­lu ajun­ngitsumik at­taveqar­niar­tuaraluarut­taluun­niit up­perisar­taar­put pis­sutigalugu im­maqa ilaasa nuan­narival­laarun­naas­savaatigut akerlilersulerlutaluun­niit. Taman­na tupaal­laatigin­ngilar­put, Jiisusimi ima oqar­poq: ‘Angutip inoqutini akerarilis­savai.’ (Matt 10:36) Jiisusili aam­ma neriorsuivoq sal­lusuis­sut pil­lugu qanorluun­niit pil­liuteqaraluarut­ta pil­liutigisatsin­nit an­nerungaar­tumik piumaar­tugut! – Markusi 10:28-30 atuakkit.

12. Angutip juutiusup sal­lusuis­sut pil­lugu suna pil­liutigaa?

¹² Angutip juutip Aaronimik atil­lip inuunini tamaat isumaqarsimavoq Guutip aq­qa taaq­qusaan­ngitsoq. Guutili pil­lugu sal­lusuis­sut ilisimarusungaar­paa. Ilaan­ni Nalunaajaasup takutip­paa Guutip aq­qata aap­persaris­sat sisamat hebræerisoor­tut atorlugit al­lan­neqar­tar­nera ersiutitaleruniuk “Jehova” taasin­naalis­sagaa. Aaronip taman­na paasigamiuk nuan­naangaarami synagogimukar­poq rabbinerit tamatumin­nga oqalut­tuuk­kiar­torlugit! Isumaqaraluar­poq Guutip aq­qa pil­lugu sal­lusuis­sut paasigunik­ku nuan­naas­sasut, nuan­naar­natil­li qiseriarlugu synagogimiit anisip­paat. Aam­ma Aaron ilaqut­taminit tunun­neqar­poq. Jehovali pil­lugu ilin­niar­nerunis­saminut taman­na unis­sutigin­ngilaa. Jehovap Nalunaajaasuinut ilaaler­poq inuunermilu sin­nerani aalajaal­luni kif­far­torluni. Aam­ma uagut sal­lusuis­sut ilik­karutsigu al­lanut at­taveqar­nit­ta al­lan­ngorsin­naanera ilimagisin­naavar­put.

13, 14. Sal­lusuis­sut malerualis­sagutsigu eq­qarsar­taaser­put iliuutsivul­lu qanoq al­lan­ngor­tit­tariaqar­pavut? As­sersuuteqarit.

¹³ Eqqarsaatit iliuutsillu mingunnartut. Sal­lusuis­sut akueris­sagutsigu najoq­qutas­sial­lu Biibilimeersut maleruas­sagutsigit eq­qarsar­taatsik­kut iliuuserisar­tak­katigul­lu al­lan­nguerusus­suseqar­tariaqar­pugut. Apustili Petrusi ima al­lap­poq: “Meeq­qatut naalat­tutut nalusuugal­laras­si kajungerisasi ileq­quliun­niaqinasigit.” Imalu nangip­poq: “Ilis­sis­saaq inuunis­sigut tamatigut il­ler­nar­tuus­saasi.” (1 Petr 1:14, 15) Itsaq il­loqarfim­mi Korinthimi inup­pas­suit inuunerlut­tuup­put. Tas­sani najugal­lit Jehovap isaani minguitsuujumal­lutik inuunermin­ni al­lan­nguerujus­suar­tariaqarsimap­put. (1 Kor 6:9-11) Nalitsin­ni sal­lusuis­sum­mik paasin­nit­tut aam­ma taamatut al­lan­nguisut amerlap­put. Petrusip taman­na ima al­laatigaa: ‘Naam­maqaaq ul­luni inuuf­figeriik­kas­sin­ni Guutimik nalusut piumasaat naam­mas­sisimagas­sigit inuunerlul­lusi, pileritsapilut­tarlusi, imerujuupilut­tarlusi, nuan­naapilut­tarlusi, er­ngut­tarlusi guutipilus­sior­neril­lu ileq­qus­saan­ngil­luin­nar­tut ileq­qoralugit.’ – 1 Petr 4:3.

¹⁴ Devyn­n aam­ma Jasmine ukior­pas­suar­ni imerajut­tuup­put. Devyn­n naatsorsuusior­tutut pik­koris­suugaluarluni imer­tar­nini pis­sutigalugu sulif­feqarsin­naan­ngilaq. Jasmine kamajasutut nakuuser­tar­tutul­lu ilisimaneqar­poq. Ilaan­ni imersimatil­luni aq­qusinermi ajoqersuiar­tor­titanit Nalunaajaasunit marlun­nit Biibilimik atuaq­qis­saaqatigineqar­nis­samik neqeroorfigineqar­poq. Nalunaajaasut sapaatip-akun­nerata tul­liani Jasminep angerlarsimaf­fianukaramik Jasmine Devyn­nilu marluul­lutik aalakoor­put. Isumaqarsimap­put ajoqersuiar­tor­titat soqutigival­laan­ngik­kaatsik taamaat­tumil­lu agger­navian­ngitsut. Ajoqersuiar­tor­titat tul­lis­saanik tak­kum­mata imersiman­ngil­lat. Jasmine Devyn­nilu sal­lusuis­sum­mik Biibilimeersumik ilin­niarusungaar­put, ilik­kak­katil­lu ingerlaan­naq malerualer­paat. Qaam­matit pingasut qaangiutin­ngitsut imer­tarun­naar­put kingusin­nerusuk­kul­lu katil­lutik. Qanoq al­lan­nguisimatiginerat najugaqarfigisaan­ni inup­pas­suar­nit malugineqar­poq, malugin­nit­tul­lu Biibilimik atuaq­qis­saar­taler­put.

15. Sal­lusuis­sut pil­lugu suut al­lan­ngor­tin­nis­saat saper­nar­ner­paasin­naava, aam­ma sooq?

¹⁵ Ileqqut Guutip iluarinngisai. Ileq­qunik Biibilimut naaper­tuutin­ngitsunik taamaatitsinis­saq saper­nar­ner­paat ilagaat. Ileq­qut taamaat­tut pil­lugit Jehova qanoq misiginersoq paasereeraluarluguluun­niit inuit ilaasa taamaatitsinis­saq saper­nar­tit­tar­paat. Ilaqut­tatik, suleqatitik ikin­ngutitil­luun­niit qanoq qisuarias­sanersut isumakuluutigisarsimavaat. Nalun­ngilaat ileq­qut, soorlu ilaqut­tanik toqusimasunik ataq­qin­nin­neq, misigis­suseqarfiungaar­tar­tut. (5 Mos 14:1) Pisariaqar­tumik al­lan­nguinis­samut suna iluaqutigisin­naavar­put? Itsaq sal­lusuis­sum­mik paasin­nil­lutik al­lan­nguisimasut, ilaatigut kristumiut siul­liit Efesosimiit­tut, ilin­niarfigisin­naavavut.

16. Efesosimiut ilaasa sal­lusuis­sut pil­lugu suna akigaat?

¹⁶ Itsaq il­loqarfiusumi Efesosimi angak­kuar­niar­tar­neq nalingin­naasimavoq. Inuit angak­kuar­niar­tarsimasut kristumiun­ngoramik sup­pat? Biibilimi ima nas­suiar­neqar­poq: “Angak­kuar­niar­tarsimasut ilaasa atuagaatitik nas­sar­paat tamarmil­lu tak­kuan­ni ikual­lal­lugit. Naatsorsuutigineqar­poq tamak­kua tamarmik aningaasanik sølviusunik 50.000-inik naleqar­tut. Taamaalil­luni oqaaseq Naalak­kap pis­saaneragut siam­mariar­tor­tuar­poq sun­niuteqar­nerujar­tuin­narlunilu.” (ApS 19:19, 20) Kristumiut aalajaatsut taak­kua atuak­kat akisuut kajumil­lutik ikual­lap­paat, taman­nalu pil­lugu Jehovamit pil­luaq­quneqar­put.

17. (a) Sal­lusuis­sut pil­lugu suut pil­liutigaavut? (b) Apeq­qutit suut al­laaserisami tul­liut­tumi akineqas­sap­pat?

¹⁷ Sal­lusuis­sut ilik­karak­ku suna pil­liutigaajuk? Tamat­ta pif­fis­sar­put pil­liutigaar­put. Ilat­ta pisuun­ngor­nis­samut periarfis­sar­tik pil­liutigisimavaat. Al­lal­lu inun­nut al­lanut at­taveqar­nerat al­lan­ngorsimavoq. Ilar­pas­suat­ta eq­qarsar­taaser­tik iliuuserisar­tak­katil­lu al­lan­ngor­tip­paat ileq­qul­lu Jehovap iluarin­ngisai taamaatis­simal­lugit. Up­peril­luin­nar­par­pul­li sal­lusuis­sut Biibilimeersoq taamaatis­simasatsin­nit sunil­luun­niit naleqar­nerungaar­tuusoq. Sal­lusuis­sut Biibilimeersoq iluaqutigalugu Jehovamut qanit­tumik at­taveqarsin­naavugut, taman­nalu inuunitsin­ni naleqar­ner­paavoq. Sal­lusuis­sut pis­sutigalugu pil­luaq­qus­sutisiar­pas­suavut eq­qarsaatigigaangatsigit paasiuminaat­tar­poq sooq inuit ilaasa sal­lusuis­sut ‘akigisimaneraat’. Sooq taamaalior­pat? Taak­kutut qanoq kuk­kunaveersaarsin­naavugut? Apeq­qutit taak­ku al­laaserisami tul­liut­tumi akineqar­put.