Kristumiut sorsun​nerlu – Biibilimi qanoq allas​simasoqarpa?

Ukrainemi sorsun­nermit erser­poq upperisarsioqatigiit kristumiut siut­tuisa ilar­pas­sui sorsun­nermik tapersersuisar­tut. Maluginiaruk issuak­kani ukunani palasit ilaat Ukrainemik tapersersuisut palasillu allat Ruslandimik tapersersuisut:

• “Saas­sus­sisut akiorlugit Ukrainemik illersuisut qujamasuf­figingaar­pagut. Ataq­qineqarlit! … Eqqarsaatigisar­passi, qin­nut­tar­passi tapersersor­tuarlusilu.” – Kyiv-imi biskop­piuneq Epiphanius I, The Jerusalem Post, 2022-mi marsip 16-iat.

• “Ruslandip Ukrainemik saas­sus­sisaqat­taar­nerani Ruslandimi ilagiit ortodoksit siut­tuisa sapaatium­mat sak­kutuut Ruslandimiut naalagiar­tip­pai. Tas­sani kajumis­saar­pai ‘Ruslandimiuul­luar­tutut’ nunar­tik illersus­sagaat.” – Reuters, 2022-mi apriilip 3-at.

Kristumiut sorsoqataas­sap­pat? Biibilimi qanoq allas­simasoqarpa?

Biibilimi qanoq allassimasoqarpa?

Biibilimi allas­simavoq Jiisusip Kristusip malin­nit­tai ilumoor­tut sorsoqataaneq ajor­tut.

• “Panat puuanut manguguk. Panalersor­tummi tamarmik panamik toqun­neqas­sap­put.” – Matiusi 26:52.

  Sorsunnernik tapersersuisut sorsoqataasullu ilumut Jiisusip oqaasii maleruarpaat?

• “Nutaamik inap­pas­si: Asaqatigiis­saasi. Uanga ilis­sin­nik asan­nin­nit­tut asaqatigiis­saasi. Asaqatigiik­kussi kik­kut tamarmik paasis­savaat ilin­niar­titarigissi.” – Johan­nesi 13:34, 35.

  Sorsunnernik tapersersuisut asanninnermik Jiisusip ilinniartitaasa, tassa malinnittaasa, ilisarnaatigisassaannik ersersitsisarpat?

Paasisaqar­nerorusuk­kuit allaaserisaq “Er krig forenelig med kristendom?” atuaruk.

Nalitsinni kristumiut sorsunnerlu

Nalitsinni kristumiut sorsoqataanaveersaar­nerat ilumut iluatsis­sin­naava? Aap. Biibilimi siulit­tuutigineqar­poq “ullus­sani kingul­ler­ni”, tassa nalitsinni, Jiisusip ilin­niar­titsis­sutaanut naaper­tuut­tumik inup­pas­suit inuiaqatigiin­nit tamaneersut ‘sorsun­nis­samut sungiusarun­naas­sasut’. – Esaja 2:2, 4.

• Paasisaqar­nerorusuk­kuit Napasuliaq Alapernaarsuiffik-mi allaaserisat ataqatigiit ima qulequtal­lit atuak­kit: “Guutip sorsun­neq qanoq isigin­nit­taaseqarfigaa?”

Qanit­tuk­kut Jehovapa “Guutip eqqis­sisitsisup” naalak­kersuisut qilam­miit­tut atorlugit inuit “qunutitaanermit nakuuserfigisaanermil­lu” aniguisis­savai. – Filip­pimiut 4:9; Tus­siaat 72:14.

• Qanoq taamaaliorumaar­toq paasiumal­lugu video Guutip kunngeqarfia suua? takuuk.