Kiserliorneq ikinnguteqarnikkut ajugaaffigiuk – Biibili qanoq iluaqutigisinnaagit
Nunarsuarmi tamarmi kiserliorunnaartitsiniarneq 2023-mi pingaartinneqangaarpoq. Kiserliorneq ajugaaffigineqarsinnaava?
“Kiserliorneq nuanniilliortitsillunilu peqqissutsimut navianangaarpoq”, oqarpoq Vivek Murthy, USA-mi nakorsaaneq. Imali nangippoq: “Iliuuseqarsinnaavugut.” Qanoq? “Inoqammut attaveqarlualerumalluni ullut tamaasa iliuuseqalaartoqarsinnaavoq.”a
Inuit akornanniikkaluarluni kiserliortoqarsinnaavoq. Kiserliornermut sunaluunniit pissutaagaluarpat Biibili iluaqutaasinnaavoq. Kiserliornerup ikinnguteqarnikkut ajugaaffiginissaanut atoriaannaasunik siunnersuuteqarpoq.
Najoqqutassiat Biibilimeersut iluaqutigisinnaasatit
Oqaloqatigiilluarneq ilikkaruk. Nammineq misigissutsitit eqqartuinnarnagit oqaloqatigisat tusarnaarluartaruk. Soqutiginninnermik ersersitsivigiuartortillugu ikinngutaalluarnerulissaatit.
Biibilimi najoqqutassiaq: “Nammineq iluaqutissasi kisiisa eqqarsaatiginagit aammali allat iluaqutissaat eqqarsaatigisigit.” – Filippimiut 2:4.
Amerlanerusut ikinngutiginiarsarikkit. Ilinnit utoqqaanerusut, inuusunnerusut, allamiut allanilluunniit kulturillit ikinngutigilernissaannut piumassuseqarit.
Biibilimi najoqqutassiaq: “Uummatersi tamaat ammarsiuk.” – Korinthimiunut 2. 6:13.
Qanimut ikinnguteqalernissaq pillugu paasisaqarnerorusukkuit atuaruk allaaserisaq: “Hvordan vi kan dække vores behov for venskaber.”
a Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.