Jehovap Nalunaajaasui sunik upperisaqarpat?

Jehovap Nalunaajaasuisut kristumius­suseq Jiisusip ilin­niar­titsis­sutigisaa apustiliisalu inooriaaserisaat sapin­ngisar­put tamaat malin­niar­tar­par­put. Al­laaserisami matumani tun­ngaviusumik up­perisavut eqik­kar­neqar­put.

1. Guuti. Guuti ilumoor­tutuaal­lunilu Ajugaqan­ngitsoq, Pin­ngor­titsisoq Jehovamik atilik, pal­lorfigaar­put. (Tus­siaat 83:19; Saq­qum­mersitat 4:11) Taan­na Aaperaap, Mosesip Jiisusil­lu Guutigaat. – 2 Mosesi 3:6; 32:11; Johan­nesi 20:17.

2. Biibili. Up­peraar­put Biibili tas­saasoq Guutip inun­nut al­lagaa. (Johan­nesi 17:17; 2 Timotheusi 3:16) Up­perisar­put al­lak­kanik Biibilimiit­tunik 66-iusunik tamanik, tas­sa Testamentitoq­qamik Testamentitaamil­lu, tun­ngaveqar­poq. Profes­sorip Jason D. BeDuhnip taman­na qularin­ngin­namiuk al­lap­poq Jehovap Nalunaajaasuisa ‘up­perisatik guutisior­ner­til­lu Biibilimi al­las­simasunik tun­ngaveqar­tit­taraat, Biibilimi al­las­simasut qanoq paasisariaqar­nerat siumut aalajangereer­nagu’.a

   Biibili tamaat up­peraar­put. Paasivar­pul­li Biibilimi al­las­simasut ilaat as­sersuutitut paasineqar­tus­saasut. – Saq­qum­mersitat 1:1.

3. Jiisusi. Jiisusip Kristusip ilin­niar­titsis­sutigisai maligas­siaalu malip­pavut, aam­ma taan­na An­naas­sisitsitut Guutil­lu Er­neratut ataq­qivar­put. (Mat­thæusi 20:28; Apustilit Suliaat 5:31) Tas­sa kristumiuuvugut. (Apustilit Suliaat 11:26) Biibilimil­li paasivar­put Jiisusi tas­saan­ngitsoq Guuti Ajugaqan­ngitsoq aam­ma ataasiul­lunilu pingasuus­suseq Biibilimik tun­ngaveqan­ngitsoq. – Johannesi 14:28.

4. Guutip naalagaaffia. Naalagaaf­fiviuvoq kristumiut uum­mataan­niin­nani qilam­miit­toq. Tamatuma naalagaaf­fiit nunamiit­tut atuuk­kun­naarsis­savai Guutil­lu nunarsuarmut siuner­taa naam­mas­sis­sal­lugu. (Danieli 2:44; Mat­thæusi 6:9, 10) Tamak­ku qanit­tuk­kut piviusun­ngus­sap­put, Biibilimimi siulit­tuutigineqar­poq “ul­lus­sani kingul­ler­ni” inuusugut. – 2 Timotheusi 3:1-5; Matthæusi 24:3-14.

   Jiisusi Guutip naalagaaf­fiani kun­ngiuvoq. 1914-imi naalak­kersuiler­poq. – Saq­qum­mersitat 11:15.

5. Aniguisitaaneq. Jiisusip uter­titsis­sutitut pil­liutaa aq­qutigalugu ajor­timit toqumil­lu aniguisitaasoqarsin­naavoq. (Mat­thæusi 20:28; Apustilit Suliaat 4:12) Pil­liut taman­na iluaqutigiumal­lugu Jiisusi up­periin­nar­nagu inooriaatsimik al­lan­nguinis­saq kuisin­nis­sarlu pisariaqar­put. (Mat­thæusi 28:19, 20; Johan­nesi 3:16; Apustilit Suliaat 3:19, 20) Inuup suliaasigut erser­tar­poq up­per­nera toqungan­ngitsoq. (Jaaku 2:24, 26) Nam­minerli iliuutsit pis­sutigiin­narlugit aniguisitaasoqarsin­naan­ngilaq – taamaal­laat ‘Guutip saam­maan­neratigut’ aniguisitaasoqarsin­naavoq. – Galatiamiut 2:16, 21.

6. Qilak. Jehova Guuti, Jiisusi Kristusi in­ngilil­lu aalajaatsut anersaat silarsuaan­niip­put.b (Tus­siaat 103:19-21; Apustilit Suliaat 7:55) Inuit ikit­tun­nguit – 144.000-t – qilam­mi inuunermut makititaas­sap­put Guutip naalagaaf­fiani Jiisusi naalak­kersueqatigis­sal­lugu. – Danieli 7:27; 2 Timotheusi 2:12; Saq­qum­mersitat 20:6; 14:1, 3.

7. 

   Nunarsuaq. Guutip nunarsuaq inuit naas­saan­ngitsumik angerlarsimaf­fis­saat­tut pin­ngor­tip­paa. (Tus­siaat 104:5; 115:16) Guutip inuit naalat­tut pil­luaq­qus­savai peq­qil­luin­nar­tun­ngor­til­lugit paratiisimilu nunarsuarmiit­tus­sami naas­saan­ngitsumik inuutil­lugit. – Tussiaat 37:11, 34.

8. Ajussuseq naalliuutillu. Atuutiler­put Guutip in­ngiliisa ilaat pikitsitsim­mat. (Johan­nesi 8:44) In­ngilip, pikitsitsereer­nermi kingor­na Saatanimik Diaavulumil­lu taaneqar­tup, taas­suma inuit siul­liit im­minik malin­nilersip­pai, tamatumalu kinguneri kinguaavinut ajunaarutaangaar­put. (1 Mosesi 3:1-6; Romamiut 5:12) Akerleriis­sut Saatanimit pilersin­neqar­toq aalajangiif­figineqar­nias­sam­mat ajus­sutsip naal­liuutil­lu atuuk­kal­lar­nis­saat Guutip akueraa. Atuut­tuar­nis­saal­li akuerinavian­ngilaa.

9. Toqu. Inuit toqusut piujun­naar­tar­put. (Tus­siaat 146:4; Oqaluus­sisar­tup oqaasii 9:5, 10) An­niarfeqan­ngilaq an­niar­titaaf­figisin­naasaan­nik.

   Guuti inun­nik mil­liardilin­nik toqumit makititsiumaar­poq. (Apustilit Suliaat 24:15) Inuil­li makititaareeraluarlutik Guutip aq­qutigeq­qusaanik ilin­niarusun­ngitsut makititaaq­qin­nis­samik neriuuteqar­natik suujun­naarsitaal­luin­narumaar­put. – Saq­qum­mersitat 20:14, 15.

10. 

    Ilaqutariittut inuuneq. Guutip aap­pariin­nermut aal­laq­qaam­mul­li najoq­qutas­siaa angutip ataatsip ar­nal­lu ataatsip katil­lutik ataler­neran­nut atuut­toq malip­par­put, kinguaas­siuutitigut inuunerlun­neq avin­nis­samut tun­ngavis­satuaal­luni. (Mat­thæusi 19:4-9) Qularutigin­ngilar­put ilisimas­sutsip Biibilimeersup ilaqutariit­tut ingerlal­luar­nis­samut iluaqutaasar­nera. – Efesosimiut 5:22-6:1.

11. Pallorfiginninnerput. San­ningasoq pal­lorfigisas­salial­lu al­lat ataq­qiniar­neq ajor­pavut. (5 Mosesi 4:15-19; 1 Johan­nesi 5:21) Pal­lorfigin­nin­nitsin­ni mak­ku pingaar­nersaap­put:

    • Guutimut qinuneq. – Filip­pimiut 4:6.

    • Biibilimik atuar­neq misis­suinerlu. – Tus­siaat 1:1-3.

    • Biibilimit paasisatsin­nik eq­qarsaatigin­neq­qis­saar­neq. – Tus­siaat 77:13.

    • Qinoqatigiin­nis­saq, Biibilimik misis­sueqatigiin­nis­saq, erinarsoqatigiin­nis­saq, akis­sutitigut up­per­nermik ersersitsinis­saq kajumis­saaqatigiin­nis­sarlu siuner­taralugit katersuun­neq. – Kolos­semiut 3:16; Hebræerit 10:23-25.

    • Guutip naalagaaf­fia pil­lugu nutaarsias­samik nuan­nersumik oqaluus­sis­sutigin­nin­neq. – Mat­thæusi 24:14.

    • Pisariaqar­titsisunik ikiuineq. – Jaaku 2:14-17.

    • Naalagaaf­filersaarfin­nik silarsuarlu tamak­kerlugu Biibili pil­lugu ilin­niar­titsinermik siuarsaanermut ator­neqar­tunik al­lanik sanaar­tor­neq aserfal­latsaaliuinerlu. – Tus­siaat 127:1.

    • Ajunaar­nersuar­ni ikiuiniaqataaneq. – Apustilit Suliaat 11:27-30.

    

12. Peqatigiiffipput. Ilagiik­kuutaarluta aaq­qis­sugaavugut, ilagiil­lu tamarmik im­mik­kut utoq­qaaner­taqatigiin­nit nak­kutigineqar­put. Taak­ku palaseqatigiiun­ngil­lat akiler­neqar­nerlu ajorlutik. (Mat­thæusi 10:8; 23:8) Pis­sarsiat qulinginik akiliisitsiniar­neq ajor­pugut ataatsimiin­nitsin­nilu aningaasanik katersuisitsineq ajorluta. (2 Korinthimiut 9:7) Suliavut tamarmik kajumis­sutsimik tunis­suteqar­nik­kut aningaasalersor­neqar­tar­put, tunisisul­lu kinaas­susii ilisimaneqan­ngil­lat.

    Siulersuisoqatigiit, angutit kristumiut inersimal­luar­tut qul­lersaqarfitsin­ni kif­far­tor­tut, silarsuaq tamak­kerlugu Jehovap Nalunaajaasuinik siulersuisar­put. – Mat­thæusi 24:45.

13. Ataasiussuserput. Ajoqersuutit up­perisavut silarsuaq tamak­kerlugu ataasius­suseqaatigaavut. (1 Korinthimiut 1:10) Sapin­ngisar­put tamaat atorlugu sulis­sutigaar­put in­nut­taaqatigiin­nik­kut, inuiaas­sutsik­kut inuiaqatigiin­nilu inis­sisimaf­fitsigut avis­saar­tuutin­ngin­nis­sar­put. (Apustilit Suliaat 10:34, 35; Jaaku 2:4) Ataasius­suseqar­pugut, tamat­tali im­mik­kut nam­mineq aalajangiisar­pugut. Nalunaajaasut tamarmik im­mik­kut nalun­ngeqatigin­nis­sutimin­nut Biibili tun­ngavigalugu ilin­niar­tin­neqarsimasumut naaper­tuut­tumik aalajangiisar­put. – Romamiut 14:1-4; Hebræerit 5:14.

14. Pissusilersoriaaserput. Sugaluaraangat­taluun­niit nam­minis­sarsiun­ngitsumik asan­nit­tulior­niar­tar­pugut. (Johan­nesi 13:34, 35) Guutip iluarin­ngisaanik ilior­naveersaar­tar­pugut, soorlu aak ator­nerluk­kumanagu aalersor­tik­kumaneq ajor­pugut. (Apustilit Suliaat 15:28, 29; Galatiamiut 5:19-21) Eq­qis­sinermik pingaar­titsisuuvugut sorsun­ner­nul­lu akuuneq ajorluta. (Mat­thæusi 5:9; Esaja 2:4) Najuk­katsin­ni naalak­kersuisut ataq­qivavut Guutil­lu inatsisaanik unioq­qutitsinis­samik piumasaqaatitaqan­ngik­kaangata inatsisit atuutsitaat naalat­tarlugit. – Matthæusi 22:21; Apustilit Suliaat 5:29.

15. Allanut attaveqarnerput. Jiisusi ima peq­qusivoq: “Tul­lit ilit­tut asas­savat.” Aam­ma kristumiut ‘silarsuarmut ilaan­ngin­nerar­pai’. (Mat­thæusi 22:39; Johan­nesi 17:16, NW) Taamaam­mat ‘tamanut ajun­ngitsulior­niar­tar­pugut’, taamaak­kaluar­torli isum­matsigut iliuutsitsigul­lu politik­kimut akuliun­naveersaar­tuuvugut aam­ma up­perisarsioqatigiin­nut al­lanut atalerumanata. (Galatiamiut 6:10; 2 Korinthimiut 6:14) Tamak­kunun­ngali tun­ngatil­lugu al­lat aalajangigaat ataq­qisar­pavut. – Romamiut 14:12.

Jehovap Nalunaajaasuisa up­perisaat pil­lugit al­lanik apeq­qutis­saqaruit nit­tar­tak­kami matumani uagut pil­luta misis­suinerusin­naavutit, al­laf­feqarfit­ta arlaan­nut at­taveqarsin­naal­lutit, naalagaaf­filersaarfim­mi il­lit najuk­kan­nut qanit­tumi ataatsimiin­nermut najuus­sin­naal­lutit Nalunaajaasul­luun­niit il­lit najuk­kan­niit­tut arlaat oqaloqatigisin­naal­lugu.