Jehovap Nalunaajaasuisa upperisarsioqatigiit assigiinngitsut suleqatigisarpaat?

Jehovap Nalunaajaasuisa inuit as­sigiin­ngitsunik up­perisal­lit up­per­neq pil­lugu oqaloqatigis­sal­lugit nuan­narisar­paat, al­lamil­li up­perisal­lit pal­lorfigin­neqatiginerisigut suleqatigineq ajor­pavut. Biibilimi ersersin­neqar­poq kristumiut ilumoor­tut ‘isumamik­kut ataasioqatigiis­sasut’, tamatumanilu as­sigiim­mik up­perisaqar­nis­saq pingaaruteqar­poq. (1 Korinthimiut 1:10; Efesosimiut 4:16; Filip­pimiut 2:2) Matumani pis­suserineqar­tus­sat – soorlu asan­nin­nis­sap, misigin­neqatigin­nin­nis­sap isumak­keerfigin­nit­tar­nis­sal­lu – isumaqatigiis­sutiginis­saat pineqaan­nan­ngilaq. Up­perisar­put eq­qorluar­tumik ilisimasaqar­nermik Biibilimeersumik tun­ngaveqar­poq, tamatumin­nga tun­ngaveqan­ngip­pat up­per­ner­put asuliin­naas­saaq. – Romamiut 10:2, 3.

Al­lanik up­perisalin­nik pal­lorfigin­neqatigin­nin­neq Biibilimi al­laanerusumik uniaatilim­mik uniaqateqar­nermut, as­sigiin­ngis­sum­mut kristumiup up­per­neranut ajoqutaasumut, as­sersuun­neqar­poq. (2 Korinthimiut 6:14-17) Taamaat­tumik Jiisusip ajoqersuk­kami up­perisarsioqatigiin­nik al­lanik suleqateqar­nis­saat akuerin­ngilaa. (Mat­thæusi 12:30; Johan­nesi 14:6) Taamatut­taaq Inatsisini Guutip Mosesik­kut tun­nius­saani itsaq Israelik­kut inuian­nik eq­qamin­niit­tunik peqateqarlutik pal­lorfigin­nin­nis­saat iner­teq­qutigineqar­poq. (2 Mosesi 34:11-14) Kingusin­nerusuk­kut Israelik­kut aalajaatsut al­lanik up­perisalin­nik suleqateqar­nermik kinguneqarsin­naasumik ikior­neqar­nis­samik neqeroorut itigar­tip­paat. – Ezra 4:1-3.

Jehovap Nalunaajaasuisa allanik upperisallit oqaloqatigisarpaat?

Aap. Apustilitut Paulusitut oqaluus­sinitsin­ni “sapin­ngisamik amerlasuut” isumaat up­perisaal­lu paaserusut­tar­pavut. (1 Korinthimiut 9:19-22) Oqaloqateqar­nitsin­ni al­lamik ataq­qin­nin­nis­samik Biibilimi kajumis­saarut sapin­ngisamik maleq­qis­saar­niar­tar­par­put. – 1 Petrusi 3:15, 16.