Sooq Jehovap Nalunaajaasuisa upperisamik ilaat allanngortissimavaat?

Up­perisatsin­nut Biibili toq­qam­mavigiuaan­narsimavar­put, taamaat­tumik Al­lak­kat Il­ler­nar­tut paasil­luar­nerujar­tor­til­lugit up­perisavut naleq­qus­sar­tar­pavut.a

Al­lan­nguutit tamak­ku Biibilimi najoq­qutas­siamut, Ussatit 4:18-imi ima al­laq­qasumut naaper­tuup­put: “Iluar­tup aq­qusinin­nguata as­sigaa ul­laap qaam­maler­nera qaam­maris­siar­tor­toq ul­loqeq­qaaneratut qaamatigilerserluni.” Soorlu ul­laak­kut seqer­ngup nuiar­tor­neranit nuna ersaris­siar­tulersar­toq, taamatut­taaq Guutip pif­fis­sarititani malil­lugu sal­lusuis­sum­mik ilisiman­nin­ner­put an­ner­tusisik­kiar­tor­tip­paa. (1 Petrusi 1:10-12) Biibilimi siulit­tuutigineqar­tutut “naggatis­sap” nalaani paasisimasaqar­nit­ta an­ner­tusiar­tuin­nar­nis­saa isumagaa. – Danieli 12:4.

Paasin­nit­taatsitsin­nik al­lan­nguutit tamak­ku tupaal­laatiginagil­lu akor­nutigis­san­ngilavut. Itsaq Guutip kif­fai aam­ma kuk­kusunik isumaqarlutil­lu naatsorsuuteqaraangamik isigin­nit­taatsitik naleq­qus­sar­tariaqar­tar­paat.

• Guutip pif­fis­sarititaanit ukiunik 40-nik siusinaar­pal­laarluni Mosesip inuiaqatigiit Israelik­kut aniguiseriaraluar­pai. – Apustilit Suliaat 7:23-25, 30, 35.

• Apustilit Mis­siarsip toqunis­saanik makititaanis­saanil­lu siulit­tuut paasin­ngilaat. – Esaja 53:8-12; Mat­thæusi 16:21-23.

• Kristumiut siul­liit ilaat ‘Jehovap ul­lus­saa’ pil­lugu eq­qun­ngitsunik isumaqar­put. – 2 Thes­salonikamiut 2:1, 2.

Guutip taak­kua paasinerluinerat kingusin­nerusuk­kut naq­qip­pai, aam­ma uagutsin­nut taamaaliorumaar­nera qin­nutigisar­par­put. – Jaaku 1:5.