Atuininnik qanoq aqutsisinnaavunga?

“Qanit­tuk­kut pisiniarfim­mut iser­punga alak­kaalaagin­nar­niarlunga. Pisiaqas­samaan­ngerut­torlunga anivunga akisuumik pisereerlunga!” – Colin.

Colin nas­suer­poq atuinini aquk­kuminaatsil­lugu. Il­lit as­singusumik ajor­nar­torsiuteqar­pit? Taamaap­pat al­laaserisaq una iluaqutigisin­naavat.

• Sooq atuininnik aqutsissavit?

• Qanoq taamaaliortoqarsinnaasoq

• Inuusuttoqativit isumaat

Sooq atuininnik aqutsissavit?

Isuma kukkusoq: Qanoq atuitiginerit isumakuluutigiguk­ku kif­faan­ngis­sutsit kil­lilis­savat.

Isuma eqqortoq: Atuinin­nik aqutsiguit kif­faan­ngis­suseqar­nerulis­saatit. “Aningaasat pil­lugit ilisimasaqar­nerujar­tor­til­lutit pilerigisan­nut akis­saqar­nerujar­tuin­nas­saatit – maan­na siunis­samilu.” – I’m Broke! The Money Handbook.

Eq­qarsaatigeriaruk: Atuinin­nik aqutsiguit ...

• Pisariaqartitsigaangavit aningaasaateqarnerusassaatit. Inuusut­tuaraq Inez-imik atilik ima oqar­poq: “Arlaan­ni Amerikamut Kujal­lermut angalarusup­punga. Aningaasanik im­mik­koor­titsigaangama anguniagara taman­na eq­qarsaatiginiarsarisar­para.”

• Akiitsukinnerussaatit (akiitsoqarunnaarlutilluunniit). Biibilimi ima al­las­simavoq: “Taarsigas­sarsialik taarsigas­sarsisitsisumut inus­siaataalersar­poq.” (Us­satit 22:7) Ar­nap inuusut­tup An­namik atil­lip taman­na ilumoor­nerar­paa ima oqarluni: “Inuunerit akiitsoqar­nin­nit aqun­neqalersin­naavoq. Akiitsoqan­ngik­kuit anguniak­katit pingaar­nerutis­sin­naas­savatit.”

• Inersimanerulersimassaatit. Inuit atuinermin­nik aqutsisut inersimasutut inuunis­samut piareersimanerusar­put. Jean 20-nik ukiulik ima oqar­poq: “Nam­miniiler­nis­san­nut piareersaataal­luas­saaq. Mas­sak­kut aningaasanut tun­ngatil­lugu akisus­saas­suseqar­niarsarivunga siunis­sami aam­ma taamaas­sin­naanias­sagama.”

Inerniliineq: “Aningaasaatin­nik nam­mineq aqutsiguit nam­mineersin­naaler­nis­samut al­loriar­nerus­saaq siul­leq. Aningaasaatin­nik mas­sak­kut aqutsil­luaruit, taman­na inuuner­pit sin­nerani iluaqutigingaas­savat.” – The Complete Guide to Personal Finance: For Teenagers and College Students.

Qanoq taamaaliortoqarsinnaasoq

Sanngiiffitit ilisimaarikkit. Aningaasaataarutiaguit, siul­lermik paasiniaruk aningaasaatitit sumut ator­tar­neritit. Inuit ilaasa inter­netik­kut pisiniar­neq aningaasar­tuutigisar­paat. Al­lat aningaasanik atuil­lat­taagin­navil­lutik qaam­matip naanerani suutaarut­tar­put!

“Ulluinnarni aningaasartuutit annertunngikkaluarlutik amerlisoortarput. Tunissutissannguanik pisillattaallunga, kaffisullattaallunga, nerisassarsiniartillunga akikillisanik siumuillattaallunga – qaammat naasaraaq eqqarsarlunga ila sumununa 100 dollarsit atorsimagikka!” – Hailey.

Missingersuusiorit. Biibilimi ima al­las­simavoq: “Eqiasuitsup pilersaarusiai iluanaarutis­sarsisitsisar­put.” (Us­satit 21:5) Mis­singersuusior­nik­kut qulak­keersin­naavat aningaasar­tuutivit iser­titan­nin­ngar­nit an­ner­tunerun­ngin­nis­saat.

“Aningaasarsiarisartakkannit atuineruguit aningaasaatitit sunorpiaq atortarnerlugit paasiniaruk pisariaqartinngisatillu pisiarisarunnaarlugit. Aningaasarsiatit aningaasartuutinnit amerlanerulerserlugit aningaasartuutigisartakkatit ikilisakkit.” – Danielle.

Aalajangiusimannigit. Aningaasaatinik nak­kutigin­neriaatsit pisariaqan­ngitsunil­lu aningaasar­tuuteqar­naveersaariaatsit arlaliup­put. Inuusut­tuaq­qat ilaasa periaatsit uku iluatsit­tumik atorsimavaat:

• “Aningaasaatikka ingerlaannaq bankimukaattarpakka nalunnginnakku taakaniitikkukkit atornissaannut ussernartorsiunnginnerussallunga.” – David.

• “Pisiniarfiliaraangama aningaasanik naammaannartunik tigummiaqarniartarpunga. Taamaalillunga atuivallaarneq ajorpunga.” – Ellen.

• “Pisiarerusutannik ingerlaannaq pisinngikkaangama ilumut pisariaqartinnerlugu eqqarsaatiginissaanut piffissaqarnerusarpunga.” – Jesiah.

• “Pisunut tamanut peqataasariaqanngilanga! Akissaqanngikkuma ajunngilaq peqataaniarnanga aalajangeruma.” – Jennifer.

Inerniliineq: Aningaasaatinik aqutsineq akisus­saaf­fiuvoq pimoorus­sas­saq. Colinip, al­laaserisap matuma aal­laq­qaataani is­suar­neqar­tup, taman­na paasiar­tuler­paa. Ima oqar­poq: “Ul­lut ilaan­ni inoqutigiin­ni it­tun­ngus­saguma aningaasanik atuipilus­sin­naan­ngilanga! Mas­sak­kut kisimiit­tuutil­lunga aningaasaatin­nik aqutsinerluk­kuma, aap­par­taaruma taman­na ajor­nar­torsiutaas­saaq.”