Periarfissat tamaasa atortaruk
1. Naqitaaraq Sallusuissut paaserusuppiuk? sumut iluaqutaava?
1 Naqitaaraq Sallusuissut paaserusuppiuk? Biibilimik atuaqqissaaqateqalernissamut iluaqutissatsitut suliarineqarsimavoq. Aammali sallusuissutsip naatsiiassartaanik siaruarterinermut atorneqarluarsinnaavoq. (Oqal 11:6) Allaaserisami iluaqutissatsinnik arlalinnik siunnersuuteqarpoq.
2. Oqaloqatigiinneq aallartikkumallugu naqitaaraq qanoq aallarniutigisinnaavarput?
2 Oqaloqateqarnissamut aallarniutitut: Naqitaaraq pulaakkannut tunniussinnaavat apeqqutillu arfinillit saqqaaniittut tikkuarlugit aperisinnaavutit: “Apeqqutit ukua sorliit illit eqqarsaatersorfiginikuuigit?” Akereerpat, apeqqutaasa ilaat naqitaaqqamiit Biibilip akissutaa eqqartorsiuk allassimaffiillu innersuussutigineqartut ilaat atuarlugu. Naqitaaqqap tunuaniittoq atuaruk imaluunniit oqaluttuareqqiguk atuagarlu Biibilimi sorpiaat ajoqersuutigineqarpat? neqeroorutigalugu. Atuagaq tigunngikkaluarpaguluunniit naqitaaraq tigoreerpaa, immaqa sallusuissummik uummataani sorlanitsitsisinnaasoq. — Matt 13:23.
3. Pulaagaq ulapippat qanoq oqarsinnaavugut?
3 Pulaagaq ulapippat: Oqarsinnaavutit: “Ulapikkavit, naqitaaqqamik uuminnga tunilaaginnarlakkit. Apeqqutit tunngaviusut arfinillit amerlasuujulluta apeqqutigisartakkavut imarai tamarmillu immikkut Biibilimiit akineqarlutik. Tulliani takoqqikkutta, naqitaaraq qanoq isumaqarfiginerit tusarusussagaluarpara.”
4. Naqitaaraq aqqusinermi neqeroorutigigutsigu qanoq oqarsinnaavugut?
4 Aqqusinermi angalaaraangatta: Oqarsinnaavutit: “Haluu. Apeqqutit ukua ilaat eqqarsaatiginikuuigit? [Pulaagaq akili.] Naqitaaqqap uuma ersarissumik naammaginartumillu Biibilip akissutai eqqaavai.” Pulaagaq ulapinngippat akissutaasa ilaat naqitaaqqamiit sammisinnaavat atuagarlu Biibilimi sorpiaat ajoqersuutigineqarpat? neqeroorutigalugu.
5. Inoqanngitsunut naqitaaraq qanoq atorsinnaavarput?
5 Angerlarsimasoqanngippat: Angalaarfigisartakkat ilaanni oqaluussisartut inoqanngitsunut biibililersaarutinik ilisisarsimapput. Illit ilagiinni aamma taamaaliortarussi, naqitaaraq Sallusuissut paaserusuppiuk? ilaannikkut immaqa iliinnartarsinnaassavat. Uteqqikkuit oqarsinnaavutit: “Siullermik maaniikkatta angerlarsimannginnavit, naqitaaraq una allakkanut nakkartitsivinnut nakkartiinnaratsigu. Apeqqutit ukua ilaat sorleq akissutissarserusussagaluarpiuk?”
6. Sooq naqitaaraq Sallusuissut paaserusuppiuk? oqaluussinermi atorneqarluarsinnaava?
6 Naqitaaqqami sallusuissut paasiuminartumik toqqaannartumillu saqqummiunneqarpoq. Inunnut assigiinngitsunik upperisalinnut assigiinngitsunillu tunuliaqutalinnut allagaavoq. Saqqummiukkuminarpoq; allaat inuusuttut oqaluussisartullu nutaat atorsinnaavaat. Periarfissani tulluartuni tamani atortarpiuk?