Oqaluussigaangavit mianersortarit
1. Sooq oqaluussigaangatta mianersornissarput pisariaqarpa?
1 ‘Savatut amaqqut akornanni’ “eqqarleriit kukkuluttortut tammarsimasullu akornanni” Guutip kiffai oqaluussipput. (Matt 10:16; Fil 2:15) Perulluliornerit, ataatsimoorluni saassussisarnerit peqqarniitsumillu aallarussisarnerit isumakulunnartut tusartuartarlugit ‘inuit ajortut ajortumut nakkaakkiartuinnarnerannut’ uppernarsaataapput. (2 Tim 3:13) Biibilimi najoqqutassat suut oqaluussinitsinni ‘silatusaarnissatsinnut’ iluaqutigisinnaavavut? — Matt 10:16.
2. Qanoq iliortoqartillugu angalaarfigisartagaq qimallugu allamilu oqaluussinissaq silatusaarnerussava?
2 Silatusaarit: Ussatit 22:3-mi ersersinneqarpoq perlussamit ‘qimarnguffissarsiornissaq’ silatusaarnerusoq. Eqqumagit! Najugaqarfinni nalinginnaasumik toqqissisimaffiusartuni pissutsit allanngupallassinnaapput. Immaqa politiit arlaqartut imaluunniit inuit aqqusinermi katersuussimasut takuatit. Ilaatigut najugaqartup inussiarnersup mianersoqqusinnaavaatit. Alapernaaseqqaarnani ingerlaannaq qimagutipallannissaq allamilu oqaluussinissaq silatusaarnerussaaq. — Uss 17:14; Joh 8:59; 1 Th 4:11.
3. Oqaluussisartup oqaasii 4:9 oqaluussinermut qanoq tulluarpa?
3 Marluugitsi: “Marluugaanni ataasiinnaanermit pitsaaneruvoq,” Oqaluussisartup oqaasii 4:9-mi allassimavoq. Immaqa illit kisimiillutit oqaluussineq sungiusimavat, tamannali toqqissisimanartuua? Sumiiffiit ilaanni taamaappoq. Allanili qatanngutip arnap imaluunniit inuusuttup kisimiilluni illumiit illumut angalaarnissaa toqqissisimanartuunavianngilaq, pingaartumik seqernup tarrinnerata kingorna. Misilittakkanit takutinneqarpoq oqaluusseqat sissuertoq iluaqutaangaartuusoq. (Oqal 4:10, 12) Oqaluusseqatitit sumiinnersut maluginiakkit. Angalaarfigisaq qimannginnerani oqaluusseqativit nalunaarfigisarnissaat ileqquliuguk.
4. Qanoq ililluta ilagiinniittut illersorneqarnissaat suleqataaffigisinnaavarput?
4 Utoqqaanertat ‘tarnitsinnik pigaassisutut’ siunnersuutit atoriaannaasut illoqarfissinnut tulluartut isumagissallugit akisussaaffigaat. (Hebr 13:17) Maniguulluta suleqatigigutsigit Jehovap pilluaqqusinera qularutigissanngilarput. (Mika 6:8; 1 Kor 10:12) Qanortoq Jehovap kiffai tamarmik silatusaarluarlutik oqaluussiffigisartakkaminni nalunaajaagilit.